Accessibility links

шимбә, 10 декабрь 2016, Казан вакыты 21:40

Britaniä premyer-ministrı terrorçılarğa qarşı berläşergä çaqıra


Ayğa ber jurnalistlar belän bulğan oçraşuında Britaniä premyer-ministrı Tony Blair, bügen, dönya terrorçılarğa qarşı berläşergä tieş, ber adım da bireşmäskä kiräk, dip belderde. Londondağı terror ğämälläre Ğiraq suğışı näticäse bula alamı digän sorawğa, Blair, intixar höcümnärenä aqlaw ber qayda da yuq, dide: "Terrorçılar nindi genä säbäp tapsa da, bez alarğa yul quymasqa tieş. Ni monda, ni Ğiraqta, ni Äfğanstanda, ni İzrael belän Fälestindä, bezneñ berektäş illärdä, ni Amerikada – alarğa bireşergä tieş tügelbez," dide Blair. Bügen Britaniä xökümäte başlığı terrorğa qarşı yaña qanun ölgeläre turında söyläşer öçen oppozisiä yulbaşçıları belän oçraştı. Uzğan atnada bulmıy qalğan şartlawlar belän bäyle 5 keşe qulğa alınğan. Polisiä tağın 4 keşene ezli. Uzğan comğa könne britan polisiäseneñ Braziliä watandaşın yalğış atıp üterüen bügen İran täñqitläp çıqtı. İran wäkile Jamal Karimi Rad, Britaniä polisiäse üzendä ber ğäyepsez keşelärne atıp ütergändä Londonnıñ Tähranda keşe xoquqları torışın täñqitlärgä xoquqı yuq, dide. Şulay uq anıñ süzlärençä, Britaniäneñ Äfğanstan häm Ğiraqta da xoquq bozu oçraqları bar.

XS
SM
MD
LG