Accessibility links

якшәмбе, 11 декабрь 2016, Казан вакыты 16:44

Belarus tağın ber Polşa diplomatın qudı


Belarus bügen çirattağı Polşa diplomatın ildän qudı. Tışqı eşlär ministrlığı, Polşanıñ räsmi wäkile Andrzej Olborski 10 kön eçendä Belarustan kitergä tieş, dip belderde. Polşa parlamentı räise Wlodimierz Cimoşewicz, däwlät radiosında yasağan belderüdä Minskinıñ bu ğämälläre qızğanıç, dide: "Soñğı yıllarda Polşa Belarusnı yaqlap kilde. Älbättä, qabul itelmäslek säyäsi rejimnı tügel, ä, misal öçen, Polşa Belarusqa iqtisadi çikläwlär kertügä qarşı çıqtı, çönki Belarus xalqınıñ ğazap çigüen telämäde. Bez, kürşe bularaq, Belarusnı añlarğa telädek. Häm şular öçen xäzer cawap totabız," dide Polşa wäkile. Olborski, Belarustan quılğan inde 3nçe Polşa diplomatı buldı. Polşa monıñ öçen tulısınça Belarus xakimiätläre cawaplı, dip belderä. Prezident Alexander Lukaşenka Polşanı Belarusnıñ eçke eşlärenä tıqşınuda ğäyeplägän ide. Bıyıl Minski şulay uq ber Çexiä diplomatın häm AQŞ professorın qudı.

XS
SM
MD
LG