Accessibility links

сишәмбе, 6 декабрь 2016, Казан вакыты 13:17

Üzbäkstan: Yuldaşev xatını ireneñ yazmışı turında qayğıra


Üzbäk xakimiätläre küptännän birle Ändicän şährennän eleke matematika uqıtuçısı Äkräm Yuldaşevnı tıyılğan ÄKRÄMİYE oyışmasın tözüdä ğäyepläp kilä.Taşkänt Äkrämiye äğzaları Üzbäkstanda törle terror höcümnäre oyıştırdı häm may ayındağı qanlı waqıyğälärne dä alar provakatsiäläde di. Yuldaşev 1999nçe yıldan birle törmädä utıra. Ul terrorda ğäyeplänep 17yılğa xökem itelgän . Anıñ xäläl cifäte Yodgora Yuldaşeva Azatlıq xabärçesenä Ändijän waqıyğälärennän soñ annan ber xäbär dä almadım dip äytkän

Ändijända may ayında bulıp alğan qanlı waqıyğälärdän soñ Yodgora Yuldaşeva könyaq Qırğızıstandağı Suzaq lagerına sıyına.Xoquq yaqlaw oyışmaları may ayında Ändijändäge qanlı bolğanış çualışlarda 750 çaması keşe ülde disä räsmilär bu sannı 187 dip belderä häm bäysez tikşerü ütkärüne kire qağa.Yudaşeva sonğı märtäbä iren aprel ayında taşkent yaqınındağı Sangorod törmäsendä kürgän ,şunnan soñ anıñ ezen yuğaltqan

Yuldaşeva(audio)

İremneñ qayda buluın belmim,Min monda kilgänçe ul Sangorodta ide. Ändijannan kilgän keşelärdän törle imeş-mimişlär işettem.Alar anıñ başqa törmägä, başqalarınnan ayırım cirgä küçerelgänen ezärleklängänen söyli. Töğäl mäğlümätem yuq monda kilgän keşelärdän sorim.

Yodgora xanım söyläwenä kürä, Äkräm Yuldaşev 80-nçe yıllarda dustınnan islam turında öyränä başlıy.Şunnan soñ ul üz başına öyränülären däwam itep İmanğa yul isemle keçkenä kitapçıq ta bastıra , anda säyäsät tügel ä din moral mäsälälär turında yazılğan bulğan. Yuldaşev kebek uylawçılar arasında kitap popular .Xökümät qaraşınça Yuldaşev tiräse, köç qullanırğa äzer aktiv islamçı xäräkät. Bu törkem ekstremist xäräkät äzğası buluın kire qağa häm Äkrämiä digän oyışma da yuq dip belderä.Äkräm Yuldaşev 1999nçe yılda Taşkenttağı şartlawlardan sonra islamçı ekstremizmda ğäyeblänep yañadan törmägä yabıla häm şunnan birle törmädä. Kärimov xökümäte 1999nçe yıldğı şartlawlardan soñ xökümätne tänqitläwçelärne , ekstremistlarnı nıq awızlıqlıy başlıy. Taşkent , Äkrämiyä tıyılğan Hizb-ut Tahrir oyışmasınıñ eleke äzğaları tarafınnan oyıştırıldı dip belderä.Hız ut tahrir köç qullanmıy, islam däwläte, xälifälek oyıştıru tarafında.Xökümät Äkremiye şuluq mäqsatlı bulsa da, ul moña terror, köç qullanu aşa ireşmäkçe dip äytä.Äkrämiye moñı kire qağa. Yuldaşeva ireneñ ber qayçan da Üzbäkstan säyäsäte yäki citäkçelegenä qarşı söylämägänen belderä

Yuldaşewa(audio)

Ul Kärimov turında , min prezidentlıq belän dä xalifäläk belän qızıqsınmim.Ul xakimdarnı saylaw Alla eşe , xakimdarğa qarşı kilü Allağa qarşı kilü belän ber ük närsä dip söyli ide di Yodgora

Ändicanda 23 eşmäqärneñ Äkrämiyä äğzası buluda ğäyeplänep törmägä yabıluına protest beldergän cıyınnarğa Yuldaşeva da qatnaşa . Ul mäxkämädä ğäyeplänüçelärne yaqlap şaxitlek itsä dä, protsessnı fars dip atıy .Ul 13nçe maydağı cıyınğa bardım di

Yuldaşeva(audio)

Bez Kärimovnıñ kilüen işetkäç cıyınğa bardıq,Bez Kärimov real wazğiätne belmi, tiräsendäge bürokratlar yaman keşelär dip uyladıq.Böten kön kötsäk tä ul kilmäde .Kärimov soñraq niçek itep min üz xalqımnı , minem yaqlawçılarımnı ütertim digän ide. Ämma ul attı ,BTRlardan attı, keşelärne keçkenä parçalarğa bülgäläde ,bez moñı üz küzlärebez belän kürdek .

Yuldaşeva ireneñ yäşäp yäşämäven dä belmi.Lagerğa kilgän här kemdän soraşa ä bälkim dä alar çınbarlıqnı äytmi dip yılı .Yuldaşeva bälkim dä Qırğızıstannan öçençe ber ilgä küçerelergä tieşle üzbäk möxacirläre arasında. färidä xämit
XS
SM
MD
LG