BMOnıñ qaçaqlar idaräse xäzerge waqıtta Qırğızstanda bulğan üzbäk qaçaqların qaysı ilgä küçerü turında äle täğäyen kileşülär yuq dide. İdaräneñ Jenevadağı matbuğat bülege başlığı Astrid Van Genderen Stort Azatlıq radiosına bu mäs'älä turında söyläşülär bara dip belderde.
AUDİO: Bez törle illär belän söyläşülärne äle tämamlamadıq. Bu turıda berniçä il belän söyläşülär bara. Älegä röxsät alınmağan, şuña kürä bez ul qaçaqlarnıñ qaysı ilgä cibäreläçägen äytä almıybız.
Elegräk ul Üzbäkstan sorağan ul qaçaqlarnı Qaçaqlar idaräse öçençe ber ilgä küçeräçäk digän ide. Qaçaqlar idaräse äytüençä, Qırğızstannıñ Jalal-Abad häm Oş şähärlärendäge qaçaq lagerlarınnan 455 qaçaq xäzer Bişkäkkä küçerelä. Anda alar başqa urınğa cibärelüne kötep toraçaq. May ayında Üzbäkstannıñ Ändican şähärendä xalıq kütäreleşen qoral belän bastırudan soñ yözlärçä üzbäk qaçağı Qırğızstanğa kilgän ide. Bügen üzbäk xakimiätläre tağın ber märtäbä, Bişkäktän Oş şähärendä totqarlanğan 29 üzbäk watandaşınıñ 12-sen Taşkentqa tapşırunı soradı. Ämma, Stort äytüençä, Qırğız xakimiätläre Qaçaqlar idaräsenä ul 12 keşeneñ Üzbäkstanğa tapşırılmayaçağın beldergän.
Elegräk ul Üzbäkstan sorağan ul qaçaqlarnı Qaçaqlar idaräse öçençe ber ilgä küçeräçäk digän ide. Qaçaqlar idaräse äytüençä, Qırğızstannıñ Jalal-Abad häm Oş şähärlärendäge qaçaq lagerlarınnan 455 qaçaq xäzer Bişkäkkä küçerelä. Anda alar başqa urınğa cibärelüne kötep toraçaq. May ayında Üzbäkstannıñ Ändican şähärendä xalıq kütäreleşen qoral belän bastırudan soñ yözlärçä üzbäk qaçağı Qırğızstanğa kilgän ide. Bügen üzbäk xakimiätläre tağın ber märtäbä, Bişkäktän Oş şähärendä totqarlanğan 29 üzbäk watandaşınıñ 12-sen Taşkentqa tapşırunı soradı. Ämma, Stort äytüençä, Qırğız xakimiätläre Qaçaqlar idaräsenä ul 12 keşeneñ Üzbäkstanğa tapşırılmayaçağın beldergän.
