Accessibility links

шимбә, 10 декабрь 2016, Казан вакыты 19:48

Här kön ber Mäskäw türäse Qazanğa kilä


Avgust ayı başlana tizdän. Dimäk Qazanda da eş könnän kön qıza bara. Meñ yıllıq tantanalarına sanawlı ğına könnär qalıp bara. Şuña kürä bu arada Rusiäneñ törle zur da , keçe dä bulğan türäläre Qazanğa yış kilä. Äle Rusiä Eçke eşlär ministrı Qazanda utırğan körsilärene suınıp ölgermäde, pänceşämbedä Rusiä transport ministrı İgor Litvin kilep töşte. Anı hawa alanında uq, tatarstan prezidentı Mintimer Şäymiev, premyer Röstäm Miñlexanov, häm başqa cirle citäkçelär qarşı aldı. Mäskäw türäläreneñ Qazanğa yışlawı da kön-kebek açıq. Meñyıllıqnı tieşle däräcädä qarşılaw. Yaña ğına kilep kitkän Eçke eşlär ministrı Röstäm Nurğaliev meñ yıllıq tantanaları waqıtında iminlek mä’sälälären qayğırtıp yörsä, transport häm yul ministrı isä Qazandağı yul, metro, Qazansu aşa salınıp betep barğan küperne qarıy. Läkin, säfärneñ töp maqsatı Qazan-Irınbur trassasında tözekländerelgän yulnı, Qazan hawa alanında biznes terminalnı tantanalı açuda qatnaşu. Rusiä ministrı bu çaralarda kilgäç uq qatnaştı. Ministrnıñ säfäre comğada da däwam itäçäk.

Rusiä türäläre Qazan –Mäskäw yulın taptıy anısı. Qazannıqılar da kimen quymıy. Eş bit, il belän idärä itü bara. Läkin, rusiä –belän Tatarstan arası şulay eşlekle genä ğämäldä barsa da, käğäz eşläre bik şoma tügel. Xäterlisezder, Tatartsan Rusiä belän tözegän ike yaqlı şartnamäne niçek kenä maqtamadı. Rusiädä xuplap tordı. Dönyada tiñe bulmağan kileşü bu dip çöylänelde. Menä şuşı, Yelsin zamannarında, tögälräge 1994 yılda tözelgän, Tatartsannıñ suverenlıq öçen köräşenä soñğı noqtanı quyğan, Rusiägä isä tağın ber ambitsiäle töbäk belän problemın xäl itkän Şartnamä ğämäldän çıqtı. İnde ike kön Tatarstan barı tik üz Konstitutsiäse belän genä yäşi. Qayber küzätüçelär Rusiä konstitutsiäse ike kön inde Tatarstanda ğämäldä tügel dilär. Dimäk Rusiä qanunnarı da.

Räfis Cämdixan

XS
SM
MD
LG