Accessibility links

Кайнар хәбәр

Yewropa Berlege Pol'şa-Belarus mönäsäbätläre naçarayuğa borçılu belderä


Bügen Yewropa Berlege Berlek äğzası bulğan Pol'şa belän Belarus arasında arta baruçı diplomatik kierenkelekkä tirän borçılu belderde. Aña qädär bügen Pol'şa Minskidağı ilçesen çaqırıp aldı häm Belarusta wäzğiät yaxşırmıy torıp ilçe anda qaytmıyaçaq dide. Soñğı arada Pol'şa belän Belarus ber-berseneñ berniçä ilçese üzennän çığarıp cibärde häm Belarus xakimiätläre ildäge etnik pol'yaklarğa qarşı ğämällär kürä başladı. Uzğan töndä Belarusnıñ OMON köçläre etnik polyak azçılığı berläşmäse binasına bärep kerde. Brüssel'dä Yewropa Komissiäse süzçese Amadeu Altafaj Tardio bu ğämäl belarustağı borçu uyatuçı xällärneñ berse dide.

AUDİO: Bez moña bik tä borçılabız. Bu yaña ğämäl Belarusta säyäsi partiälärgä, xökümättän bäysez oyışmalarğa häm bäysez kiñküläm mäğlümät çaralarına qarata arta baruçı repressiälär sürätendä buldı. Ul Belarusnı Yewropa İminlek wä Xezmättäşlek Oyışması qarşındağı yöklämälären, şul isäptän keşe xoquqların xörmät itü turındağı yöklämälären ütärgä çaqırdı häm Yewropa Berlege Belarustağı wäzğiätne küzätep baraçaq dide. Belarustağı polyaklar berlege başlığı Andzelika Boris äytüençä anı kiçä politsiä qısqa waqıtqa totqarlağan häm oyışmanıñ aqçasın urlawda ğäyeplägän.
XS
SM
MD
LG