Accessibility links

шимбә, 3 декабрь 2016, Казан вакыты 05:25

<p>Uquçılar ğına bulsın.</p>


Bügenge köndä Tatarstanda tatarça kitaplarnı çığaruçı berniçä kitap näşriäte bar. Yıl sayın härber näşriät yözdän artıq, törle isemdäge kitaplar bastırıp çığara. Şularnıñ iñ zurları Tatarstan kitap häm “Mäğärif” näşriätları. Şunı äytergä kiräk, xäzer kitaplarğa da taläplär bik yuğarı. Alar ber ük waqıtta matur häm zatlı bizäleşle, dönya standartlarına turı kilerlek itep eşlängän bulırğa tieş.

Qazandağı kitap kibetlärendäge satuçılar süzlärenä qarağanda, näq menä şundıy kitaplar ğına bügenge köndä uquçı iğtibarın cälep itärgä sälätle. Näşriät xezmätkärläre äytkänçä, alarnıñ töp maqsatları aqça eşläw tügel, ä ädäbi mirasnı xalıqqa citkerü. Äytik, 100 sumlıq çığım totılğan tatar kitabın 10- 15 sumğa satqaç, aqça eşläwne onıtırğa kiräk. Mäskäw näşriätlarında çıqqan 10 – 15 tabaqlı kitaplarnıñ bäyäse urtaça 50 sum bulsa, Qazanda 15 sumğa satıluı uylanırğa mäcbür itä.

Yıl başında “İntertat ru” mäğlümat agentlığı “Tatarstan däwlät kitap näşriätendä 800 000гә yaqın kitap tuzan cıyıp yata” dip yazğan ide. Bu böten tatar xalqın borçırlıq, uylandırırlıq san. Xäzer inde kitap taratu buyınça eşlär caylana başlağan.

Qazan kitap kibetlärendäge satuçılardan tatarça kitaplarnı alalarmı soñ dip sorağaç.

“Tatar kitapların bik küp alalar, kübesençä Qor’än häm balalar kitapları sorıylar”.

“Qazan, tarix turında, şiğri cıyentıyklar, balalar kitapları sorıylar. Ğomumän, tatarça kitaplarnı rus kitapları belän ber däräcädä alalar dip äytep bula”.

“Bezdä ayıruça küp balalar öçen äkiät kitapların, cır häm şiğer cıyentıykların, tarixi kitaplarnı sorıylar”.

Soñğı yıllarda Qazannıñ kitap näşriätläre tatar milläteneñ tarixı, ruxi mirası, xäzerge çornıñ zur şäxesläre turında zatlı kitaplar çığardı. Qazannıñ 1000 yıllığı häm yaña uqu yılına äzerlek qısalarında “Mäğärif” näşritı 28 yaña kitap häm däreslek çığarıp yata. Uquçılar ğına bulsın. Xäzer kitaplarğa qıtlıq bulmas dip belderde bügenge tatar kitap näşriätläre.

Gölnaz Şäyxetdinova.

XS
SM
MD
LG