Accessibility links

сишәмбе, 6 декабрь 2016, Казан вакыты 05:56

Üsmer caydaqlar yarışqa äzerlänä


Qazanda ippodrom süze soñğı könnärdä bik populyar bulıp kitte. “Xäzerge waqıtta Tatarstannıñ barlıq xucalıqlarında 70 meñ at totıla. Şularnıñ 66 protsentı awıl xucalığı oyışmalarında häm fermer xucalıqlarında , qalğanı – xalıqta. Näselle atlar 1700 läp isäplänä”,- dip xäbär itä “İntertat” elektron gäzite. Ä Qazanda yaña sport atları kompleksı tözelep betep kilä. Ul Qazannıñ meñyellığana açılaçaq. Anda inde bar närsä dä yañaça, zamança qaralğan. Ä şulay da yaña ippodromda uzdırılaçaq yarışlarda qatnaşır öçen, älegäçä xalıqqa xezmät itkän iske ippodromda nindi äzerlek bara ikän.

Menä bez Qazannıñ älegäçä eşläp kilgän ippodromında. İppodromda atlar, balalar , zurlar. Bez ölkän yäştäge ber xanım yanına kilep aña soraw birdek. >“Niçä at bar bu ippodromda” digän sorawğa , 53 yıl buyı şuşı ippodromda eşlägän ippodromnıñ sklad mödire Mariä Doşmanova

“Yurtaq häm çabış atları 150 gä citä”, - dide ul. Annan soñ bez şuşı uq ippodromda urnaşqan balalar arasında uzdırılğan at yarışlarına yünäldek. At yarışları uzdıru buyınça respublikanıñ balalar häm yäşüsmerlär sport mäktäbe citäkçese Gölnara Ğälieva äytüençä, 100 läp bala yöri ikän bu mäktäpkä. 10-12 yäştäge balalarnıñ barısında alalar. Ä 2-3 yıl bu mäktäptä şöğellängän balalar inde yarışlarda da qatnaşalar ikän. Bügenge yarışlarnı “Liçnıy priz- deti” diep atağannar. Balalar yurtaqlap baruda yarıştılar .Xökemdar wazifasın Aleksandr Şçerbakov başqardı . Bu yarışlarda qatnaşqan balalar arasında 5 nçe bulıp Avzalova Yekaterina Nurlı atında , häm 6 bulıp Sibatova Lena Xuşkilde atında yarışalar ide. Alarğa 21 tör buyınça 10 ball belän bäyä birelä häm soñınnan barısın quşıp, protsentın çığarılıp ciñüçe bilgelänä.Barısı 7 bala qatnaşuında uzğan yarışlarda ciñüçelär bolay bilgelände: berençe urınnı Şäydullina Yulya aldı , 2 urınnı Afzalova Yekaterina yauladı, 3 urınğa - Narzyäyeva Lyuba layıq buldılar. Bezneñ material äzerlängändä ippodromda tağın “konkur”, - “preodolenie prepyatstviy” yäğni, qıyınlıqlarnı ciñep çığu buyınça dip atalğan yarışlar da bardı. Anda berençe urınğa “Xatanğa” atında İrina Mironova-, ikençe urınğa “Almaz ”atında Şäyxiev Ayrat-, häm öçençe urınğa “Reval'” quşamatlı attа Sinitsın Sergey layık buldı .

“Cäy urtasında balalarnıñ şundıy sport belän şöğellänüeneñ sere bu inde alarnıñ at yaratuında, - dip añlattı bezgä Gölnara Maxsudova.

Qazannıñ ippodromında 30 iyüldäge sınaw yarışlarında qatnaşır öçen Qazanğa Mäskäwdän kilep künegülär yasap yörüçe 67 yäşlek Mixail Fingerop belän äñgämä qordıq. Ul Mäskäwdän kilgän xalıqara däräcädäge atta yörüçe. Qazanda äle ul 1атна çaması ğına.Ämma bu şöğel' belän ul 45 yıl şöğellänä. “Mintimer Şäymiev -ber zur ürnäk bulıp tora bu mäs'älädä, çönki ul bik yarata atlarnı.Ul bik aqıllı keşe”, - dide Mixail Fingerop.

Qazannıñ qaysı cirläre sezne qızıqsındıra , qaysı cirlären qarıysığız kilä digän sorawğa, ul, “Yähüdlärneñ ğibädät qılu urının, Sinagoganı qarıysım kilä”,- dide. Şunnan bez at abzarına kerep atlarnı qarağan veterinar tabip 1988 yıldan birle eşlägän Oksana belän söyläştek. Ul , Partitura, Dar'yal , Fantastik Sem quşamatı yörtkän yurtaq atlar belän tanıştırdı. Atlarnı solı, peçän, arpa, körpä belän aşatuları turında belderde ul .

Mälikä Basıyr .

XS
SM
MD
LG