Accessibility links

шимбә, 10 декабрь 2016, Казан вакыты 19:48

Qazanda FSB binası yandı


Qazanda Tatarstan buyınça Rusiä federal' iminlek idäräse, ğadi tel belän äytkändäFSB, KGB binasında comğada köçle yanğın buldı. Belgeçlär 4 däräcädäge yanğın dip bäyäläde. Comğa irtäsendä, Çerek kül qarşındağı KGB binası tübäse astında yanğın çığa. Bu binada iminlek xezmätennän tış, Eçke eşlär ministrlığı da urnaşqan. Annarı yanğın 3 qatna yabırıla. Köndezge unikelär tiräsenä qädär, yanğınçılar eşlädelär. Yanğın sünderüne Tatarstannıñ ğädättän tış xällär ministrı Valeriy Vlasov citäkläde. Jurnalistlarğa ul yanğın turında menä närsälär dip belderde

Bina revolyutsiägä qädär ük tözelgän. Ağaçlar küp qullanılğan tözegändä. Dimäk yanğınğa dürtençe däräcä birelde. Kiräkle külämdä köç qullanıldı. 32 töp texnika, 10 yärdämçel texnika 212 eçke yanğınçılar qatnaştı

Xäzerge waqıtta yanğın çığunıñ säbäplären tikşerü bara.

Şul uq waqıtta, FSB üz eşen däwam itä. Bu könnärdä genä, iminlek xezmätkärläre Nurçılar dip atalğan törkiädä bik populyar bulğan xäräkätne Tatarstanda tuqtattıq dip belderdelär. Nurçılar xäräkäte, Tatarstanda, häm Rusiä töbäklärendä şaqtıy ğına törek tatar, yäki törek başqort litseyları açqan xäräkät. Tatarstanda älege xäräkät wäkilläre millätara ızğış çığaruda ğäyeplänä. Tikşerü waqııtnda, 5 meñläp ädäbiät tabılğan. Bu ädäbiät näq menä milli ızğış çığaruğa säbäp bulıp tora dip bara FSB idäräse wäkilläre. Kiläse çığarılışlarda bu mä’sälägä kiñräk tuqtalırbız.

Räfis Cämdixan

XS
SM
MD
LG