Accessibility links

пәнҗешәмбе, 8 декабрь 2016, Казан вакыты 03:12

Mädäni comğa gazetınıñ “İ tuğan tel” quşımtası: İldar Nizamov: “Baş kisü mäs’äläse”


Bu atnada “Mädäni comğa” gäzitendä ayğa ber tapqır çığa torğan anıñ “İ tuğan tel ” dip atalğan maxsus quşımtası iğtibarnı cälep itte.

Bu quşımtanıñ iñ berençe bağanası tatar- başqort şağire, prozaik, dramaturg häm publitsist Mäcit Ğafurinıñ tuuına 1 аuğustta 125 yıl tulu uñayınnan anıñ “Ana tele” şiğerennän ber özek belän häm anıñ qanatlı süzlärennän başlanıp kitä. “Eşneñ yaxşı buluın kem yaratmas” , tağın “Laçınnan ni fayda bar oçalmasa”. Äye, çınnan da uzğan ğasırdağı bu süzlär äle bügen dä bik aktual' şul. Menä bu quşımtanıñ tatar reklami: kiçä, bügen , irtägä; säxifäsendä “Baş kisü mä’säläse”dip isemläp İldar Nizamov Tuqayça pamflet yazğan. Ul anda Qazan uramnarında yörgän tramvay stenasın deputatlıqqa ber kandidatnıñ sını bizägän dä ikän, şunıñ başı täräzä ölgesen qaplağan tügäräk pärdä bulıp toruı turında, bütän ölgelärne buydan – buyğa çuarlağan tamğalar kandidatnı çöyep maqtağan süzläre bulğan ikän dip şaqqatıp söyli. Ällä qayçan ütep kitkän saylawnıñ “yaqtı xatiräse” keşelärne bimazalap haman şulay yörep yata ikän ”, - di ul.

“Täräzäne qaplap torğan närsäkäydän niçek qotılırğa, yäğni bu oçraqta älege başnı kisep taşlarğa tfü“ tfü, ästäğfirulla, reklamadağı baş suräten sörtep alırğa, baş kisü, dimäktän .... tağın väsväsä , tağın xıyalıy macaralar. Xäterlisez mikän Ğabdulla Tuqaynıñ reklamada baş kisügä bäyle “Öç baş” pamfletın.”

audio (publsistik äsärdän özek )

Şulay uq bu quşımtanıñ Ğalimnärebez dip atalğan säxifäsendä “Qırıy uram yegete” dip atalğan Çulpan Fäxretdinovanıñ yazması bastırılğan . Qazan yılğa portına töşkändä , xäzerge K.Tinçurin uramı tirälärendä Yaña bistä belän iske Bistäne ayırıp toruçı Qırıy uramı bulğan. Anda tatarlar yäşägän .Bu yazma şuşı könnärdä 60 yäşen bäyräm itkän Filologiä fännäre doktorı, tel tarixı belgeçe, Tatarstannıñ atqazanğan fän eşleklese, küpsanlı kitaplar avtorı Färit Xäkimcanov turında. Ul Vengriädä xezmät itä, Mäskäwdäge “Fän”näşriätında anıñ “Yazıq epitafiy voljskix bulğar” dip atalğan kitabı dönya kürä.Qazaxstanda fän doktorı isemen alıp qayta. Törkiädä Anqara universitetında studentlarğa tatar tele, ädäbiäte, mädäniäte fännäre uqıta, studentlarnı qıpçaq ädäbiätenä kereş kursı belän tanıştıra. Ul 15 kitap häm 150 dän artıq mäqälä avtorı, distälärçä xalıqara konferensiälärdä çığış yasağan ğalim. Bügen Färit Xäkimcanov tel beleme kafedrasın citäkli. “Gumanitariä” näşriäten açıp cibärgän, monda tel- ädäbiät belgeçläre öçen zatlı-zatlı kitap jurnallar çığara.

Quşımtada “ Cide buın yadkäre” dip atalğan säxifädä “Süz eçendä ence” bar digän bağana birelgän .Anda ber qırmısqa turında ğına da bik qatlawlı eçtälekle mäqällär , äytemnär turında belergä bula misal öçen: “At toyağı astında qırmısqa ülmäs, Qırmısqa ber bodaynı cide yıl aşağan, Qırmısqa berse öçen berse ülär, Qırmısqa keçkenä dä tawlar aqtara digän mäqällär , äytemnär birelä.

Bu quşımtada filologiä fännäre doktorı, professor Waxit Xakov “Şäkertlär telne qayğırta” digän mäqäläsendä KDUnıñ tatar filologiäse häm tarixı fakul'tetı studentlarınıñ bıyıl da diplom eşlären uñışlı yaqlağan köndezge bülektäge 80, çittän torıp uqu bülegendä 86 studentqa törle belgeçlelärgä qarağan diplomnar tapşıruı turında yaza . Ä menä Rusiäneñ törle töbäklärennän kilgän balalarnıñ yalın “İdel” yäşlär üzäge

oyıştırğan. “Millätebez xäzinäläre”dip atalğan profil' smenasında Ästerxan, Sarıtaw, Samara, Orenburg, Volgograd, Novosibirskiy, häm tağın bik küp Tatarstannıñ Älmät, Zäy gimnaziälärendä belem aluçı tatar balalarınıñ yal itüe turında Mörşidä Xänäfi yazmasınnan tanışırğa bula.

Sez“ Mädäni comğa” gäziteneñ “İ tuğan tel” dip isemlängän quşımtası belän tanıştığız

Mälikä Basıyr

XS
SM
MD
LG