Accessibility links

чәршәмбе, 7 декабрь 2016, Казан вакыты 23:30

Qazan Petr 1ne kire qaqtı


“Watanım Tatarstan”gazetasınıñ 29nçı iyül sanında Damir Asılovnıñ “Räncü” digän yazması basılıp çıqtı. Mäqälä mondıy süzlär belän başlanıp kitä. “Bez endäşmibez. Bez tolerant millät şul. Bez – üzara dus, tatu yäşäw tarafdarları. Bezneñ kesäbezgä pes itälär – bez şuña riza bulıp torabız. Qazanda yırtqıç patşa Petr 1gä häykäl quyuğa qarşı çıqqan millättäşlärebezne yaqlap süz äytä almadıq.” – dip başlap cibärä Damir Asılov, häm yazmanıñ axırında ul “Ägär xakimiät Qazannıqı da ikän, xalıq iñräwenä qolaq salmıyça şul xurlıqlı eşne tormışqa aşıra qalsa, üzlärenä qarata barı ik näfrät kenä uyataçaq, tatar xalqınıñ nälätenä, qarğışına duçar bulaçaq. Küz yäşe töşmi qalmıy ul.” – dip tämamlıy. Petr 1 häykälenä qarşı räncep yazılğan yazmalar internet forumnarda, internet gäcitlärdä häm başqa mäğlümat çığanaqlarında yış oçrıy başladı. Ber qarağanda bu räncülärne yuğarıda utıruçı türälär işetmäslär kebek ide. Läkin Allağa şöker işettelär. “Watanım Tatarstan” häm “Respublika Tatarstan” gazetası redaksiälärendä Qazan şähäre xakimiäte başlığı Qamıl İsxaqov qunaqta bulğanda “Azatlıq” radiosına “Petr 1 häykäle Qazanda bulaçaqmı ällä yuqmı?” – digän sorawğa mondıy cawap birde:
Minemçä, yuqtır!!!
Elemtä naçar bulu arqasında Qazan şähäre merı Qamıl İsxaqovnıñ äytkän süzläre tonıq işetelä. Läkin şuña da qaramastan Qamıl äfändeneñ “Minemçä, yuqtır ” – digän süzlären işetep buldı. Dimäk, Peterburg uramında, üzäktä, Petr 1 häykäle bulmayaçaq. Ä menä anıñ byustı urınına kemne quyarlar, ansı ber Xodayğa mäğlüm?!
Röstäm İsxaqi

XS
SM
MD
LG