Pol'şa tışqı eşlär ministrı urınbasarı Jan Truszczynski Rusiäne Belarusta demokratik üzgäreşlär öçen basım yasarğa çaqırdı.
Minski belän Warşaw arasında diplomatik mönäsäbätlär naçaraya barğanda bügen ul xosusıy Polyak radiosına irekle häm demokratik Belarus Rusiä öçen xäzergedän küpkä köçleräk berektäş bulır ide dide. Soñğı arada Pol'şa belän Belarus ber-berseneñ berniçä diplomatın üzlärennän çığarıp cibärde. 2 kön elek Belarus xakimiätläre Belarus polyakları berlege başlığın qısqa waqıtqa totqarladı. Kiçä Pol'şa Minskidağı ilçesen çaqırtıp aldı.
Bügen Ukraina tışqı eşlär ministrlığı älege kürşeläre arasında mönäsäbätlärneñ naçarayuına borçılu belderde.
Agentlıqlar Belarus prezidentı Aleksand Lukaşenko çittä elemtäläre bulğan törkemnärneñ ildä säyäsi üzgäreşlärgä etärgeç bulu mömkinlegennän qurqıp alarnı bastıra dip belderä.
