Accessibility links

дүшәмбе, 5 декабрь 2016, Казан вакыты 13:35

Rusiä Amerika televideniesendä Şamil Basayev belän äñgämä kürsätelügä protest belderde


Rusiä tışqı eşlär ministrlığı ber amerikan televidenieseneñ çeçen ğisyançıları başlığı Şamil Basayev belän äñgämäne kürsätüenä protest belderde. Ministrlıq süzçese Boris Malaxov ministrlıq AQŞnıñ Mäskäwdäge ilçese wazıyfaların başqaruçını çaqırtıp terrorçı belän äñgämä kürsätelügä açu belderde dide. AUDİO: Bez zur ber amerikan televideniesendä BMOnıñ xalıqara terrorçılar isemlegenä kertelgän bandit häm balalar üterüçe Şamil Basayevqa çığış yasaw urını birelüne qatı ğäyeplibez. Monıñ belän bu televidenie çawaplı jurnalizm standartlarına häm keşelek qimmätlärenä bik zur xösmätsezlek kürsätte. Basayev Rusiädä iñ nıq ezlängän keşe. Ul Çeçnädä häm Rusiäneñ könyağında distälärçä höcümne, şul isäptän küpçelegen balalar täşkil itkän 330-dan artıq keşene ütergän Beslan mäktäbe höcümen oyıştıruın tanıdı yäki alar öçen ğäyeplände. Yaña interviewda Basayev yaña höcümnär belän yanadı häm balalarnı ütermägänlege turında äytte.

XS
SM
MD
LG