Accessibility links

Кайнар хәбәр

Tönyaq Koreanıñ atom programması söyläşülärendä añlaşu noqtaları bar dielä


Qıtaynıñ räsmi Ksinhua xäbär agentlığı Tönyaq Koreanıñ atom programması krizisın çişü turında 6 yaqlı söyläşülär şimbä könne däwam itäçäk dip belderde. Bu söyläşülär Tönyaq Korea yağınnan 13 aylıq boykottan soñ Pekiñda 4 kön elek yañartıldı. 6 yaqlı söyläşülärneñ citendä AQŞ belän Tönyaq Korea diplomatları 4 ikeyaqlıq söyläşü dä ütkärde. Zur tärräqiät turında xäbärlär bulmasa da söyläşülärdäge AQŞ törkemen citäkläwçe Christopher Hill bügenge ikeyaqlı söyläşülär aldınnan 2 taraf qayber añlaşu noqtaları taptı dide. AUDİO: Kiçäge söyläşülärdä Korea yarımutrawın atom töşennän azat itü turında bezneñ häm alarnıñ täqdimnäre turında süz bardı. Min ul täqdimnär ber ük törle dip äytmim. Bez alarnıñ qayber däqdimnären qullanıp bulmıy dip taptıq. Ämma alarnıñ qayber täqdimnäre bezdäge qayber täqdimnärgä bik nıq turı da kilde. 6 yaqlı söyläşülärdä bu ike ildän tış Könyaq Korea, Qıtay, Yaponiä häm Rusiä qatnaşa.
XS
SM
MD
LG