Accessibility links

чәршәмбе, 7 декабрь 2016, Казан вакыты 17:38

Tatnet aksiäse: www.yuq.yuldash.com


Qazanda quyılırğa tieş Petr 1nçe häykäle turında şaw-şulı aksiäneñ baruın, bezneñ köndälek xäbärlärdän beläsezder. İnde şundıy uq çara internetta da alıp barıla başladı. www.yuldash.com saytı yärdäme belän, www.yuq.yuldash.com digän internet säxifä eşli başladı. Anda urnaştırılğan açıq xat Piterbur Gubernatorı Valentina Matvienkoga yünältelä. Bez, biredä imza quyuçılar, Peter 1nçe häykälen Qazanda quyıluına qarşı çığabız, dielgän anda. Xatta, Petr 1nçe urınına, Gumilev şäxesenä häykäl quyarğa täqdim itelä. Xörmätle Valentina İvanovna, ziräk häm aqıllı bulığız, bezneñ milli xislärne mısqıl itüne buldırmağız!, dielä älege möräcäğättä. Şuşı xat internetta bik tiz arada taraldı. Anda imza qaldırır öçen maxsus forma bar. Bu xat astında xäbär äzerlängän momentqa 40 keşe imzasın quyğan ide. Alar arasında Mäskäwdän Aynur Sibğatullin, Timur Kaşaev, Torontodan Marat Däwlät-Kildeev, Waşingtonnan Azat Bädertin, Almaniädä Aliä Taysina da qul quygan. Şulay uq, imza saluçılar arasında Ufa, Qazan, Tomski, Saranskiy keşeläre dä bixisap. Äytkänemçä möräcäğät astına qul quyu, www.yuq.yuldash.com saytı aşa bara.

Tatar forumnarında da bu temağa fiker alışalar. Tatarskaya gazetanıñ forumında, başta aksiäneñ barışı turında zur qızıqsınu belän küzätep bardılar, annan şuşı yuq aksiäsendä qatnaşırğa çaqırdılar. İnde häykäl quyılmaw turında bilgele bulğaç, şatlıqları belän urtaqlaştılar. Monı yuridik yaqtan, niçek eşlärgä mömkin, şul turıda uylanuçılar da buldı. Şundıy söyläşülär, bäxäslär, qarşı yaqlı fikerlär, intertat.ru forumında da bardı.

Bikä Timerova.

XS
SM
MD
LG