Accessibility links

шимбә, 10 декабрь 2016, Казан вакыты 17:57

London şartlatularında şiklänelüçeneñ İtaliädä elemtälär çeltäre bulğan


Bügen İtaliä eçke eşlär ministrı Guiseppe Pisanu London şartlatularında şiklänelep comğa könne Rimda qulğa alınğan keşeneñ İtaliädäge Xäbäşstanlılar häm Eritriälelär cämğiätläre belän elemtälär celtäre bulğan dide. Pisanu Parlamentqa politsiä Xäbäşstanda tuğan Osman Xösäinneñ İtaliädäge elemtäläre turında kübräk belü öçen 15 tikşerü ütkärä dide AUDİO: Ayırım alğanda, Osman Afrikadan çıqqan keşelär belän häm Milan, Brescia yaqlarında yäşäwçe beräw belän elemtägä kergän. Bresciädä Osmannıñ qız iptäşeneñ xäbäşstanlı atası yäşi. Bügen İtaliädä Britan watandaşı Osman Xösäinne Britaniägä tapşıru mäs'äläse qarala. Xösäin 21-nçe iyüldä Londonda bulğan uñışsız şartlatularğa bäyle 4 töp şikleneñ berse. Bügen London politsiäse qalğan 3 töp şikledän soraw ala. Bügen politsiä Leicester şähärendä başqa ber operatsiä ütkärep terrorçılıqta şiklänelgän 2 keşene qulğa aldı. Politsiä bu ikeneñ iyüldäge şartlatular belän bäyleşe bulmasqa da mömkin di.

XS
SM
MD
LG