Accessibility links

пәнҗешәмбе, 8 декабрь 2016, Казан вакыты 17:08

Tönyaq Korea söyläşülärendä Qıtay urtaq belderü ölgesen täqdim itte


Biredä Tönyaq Koreanıñ atom programmasına bäyle krizisnı çişü turındağı 6-yaqlı söyläşülär öçen Qıtay urtaq belderü ölgesen täqdim itte. Könyaq Korea räsmie bu dokument bügen söyläşülärdä qatnaşuçı Qıtay, Könyaq häm Tönyaq Korealar, AQŞ, Rusiä häm Yaponiä wäkilläre cıyılğaç täqdim itelde dide. 6-yaqlı söyläşülär Tönyaq Korea tarafınnan 13 aylıq boykottan soñ bu sişämbedä Pekiñda yañartıldı. Altıyaqlı söyläşülär citendä AQŞ häm Tönyaq Korea wäkilläre 6 märtäbä ayırım da oçraştı. Söyläşülärdäge AQŞ wäkile Christopher Hill urtaq belderü turında bolay dide.

AUDİO: Beraz waqıt kiräk bulaçaq, bu bügen yä irtägä genä bulmıyaçaq. Çönki ul qısqa da möhim dä bulaçaq. Häm andağı qayber yullar bälki sezneñ öçen bik qızıqlı bulmasa da 6 qatnaşuçı öçen alar bik zur mäğnägä iä bulaçaq. Bu bik qıyın söyläşü. Tönyaq Koreanıñ atom programması krizisı 2002-nçe yılda Waşington Pxernyannı yäşeren räweştä atom qoralı yasarğa tırışuda ğäyepläw belän başlanıp kitte. Tönyaq Korea BMOnıñ atom tikşerüçelären ildän çığarıp cibärde häm bu yılnıñ Fevralendä üzendä atom qoralınıñ inde buluın iğlan itte.

XS
SM
MD
LG