Accessibility links

шимбә, 3 декабрь 2016, Казан вакыты 14:46

Yewropa Berlege Iran atom programası söyläşülärdä üz täqdimnären 1 atna eçendä tapşıraçaq


Bügen Britaniä Yewropa Berlege İrannıñ atom programmasına bäyle krizisnı çişü öçen ber atna eçendä Tähranğa tulı häm täfsille täqdimnär isemlegen tapşıraçaq dip belderde. Britaniä tışqı eşlär idaräse Tährannı uran bayıtunı yañartmasqa, kiräksez häm zıyanlı adımnar yasamasqa çaqıruçı möräcäğät çığardı. Belderüdä mondıy adımnar Yewropa Berlegen wäkillek itüçe Britaniä, Fransiä häm Germaniä belän İran barasında barğan söyläşülärgä zıyan kiterergä mömkin dielä. Britaniäneñ bu belderüenä qädär söyläşülärdä İrannı wäkillek itüçe Alu Ağa Möxämmädi Frans press agentlığına Tährannıñ bu täqdimnärne tapşıru öçen Brüssel'gä bügen Qazan waqıtı belän köndezge bişençe yartığa qädär waqıt birgänlege turında äyktän ide. Tähran täqdimnär tapşırılmağan oçraqta uran bayıtunı yañartu belän yanadı. Britaniä, Fransiä Germaniä ägär dä İran üzeneñ atom programmasınıñ tınıç maqsatta buluın garantiäläwçe şartlarğa rizalaşsa anı qızıqsındırırlıq täqdimnär yasarğa tieş.

XS
SM
MD
LG