Accessibility links

җомга, 2 декабрь 2016, Казан вакыты 21:17

Qazanda prezidentlarnıñ atları çabışaçaq


Qazan yubileyına kilgändä, 27 avgustta Qazannıñ elekke häm keçeräk hawa mäydanı urınında xalıqara at çabışı kompleksı açılaçaq häm Rusiä Prezidentı prizına yarış ütäçäk. Ciñgän at, döresräge anıñ xucaları, 5 million sumlıq priz alaçaq. Bu yarışlar Tatarstan häm Rusiäneñ sport tarixında yaña bitne açaçaq. Könbatışta kiñ taralğan berençe kilüçe atlarğa, farazlar bäygese ütkärep, totalizatorda zur aqçalar uynatu ğädätkä kereşäçäk. Berniçä ay eçendä ber milliard sumlıq küz kürmägän, qolaq işetmägän qorılmalar ayaqqa bastırıla. Tözeleş äle däwam itä, ämma uzğan şimbädä yaña at kompleksında sınaw yarışları inde uzdı. Küräseñ, avgust axırında distälägän prezidentlar üzläreneñ atlarınıñ çapqanın tamaşa qıluın oyıştırunı küz allar öçen tözelep betmägän ippodromda sınaw çabışların Rusiäneñ awıl xucalığı ministrı häm Tatarstan prezidentı qarap tordılar.

İsegezgä töşeräbez, 26 avgustta Qazanda beryulı ike zur çara bulaçaq. Säğät 12дә Rusiä sub'yektları citäkçeläre qatnaşlığında Däwlät Sovetı utırışı, ä säğät 4тә – Bäysez däwlätlär berlege prezidentlarınıñ sammitı. Näq şuşı könnärgä berniçä oçqıç belän prezidentlarnıñ häm başqa ataqlı şäxeslärneñ yaratqan çabışqıları Qazanğa kiläçäk. Başqa qızıqlı häm möhim oçraşular da näq şul könnärdä bulaçaq.

Rimzil Wäli

XS
SM
MD
LG