Accessibility links

якшәмбе, 11 декабрь 2016, Казан вакыты 16:57

John Bolton BMOda Waşington wäkile itep bilgelände


AQŞ prezidentı George Bush, John Boltonnı Berläşän Millätlär Oyışmasına AQŞ wäkile itep bilgeläde. Senattağı demokratlar, Bolton bu wazifada BMOda AQŞ tırışlıqlarına ziyan kiteräçäk, dip belderep kilde. Ämma Bush, Bolton waqıtlıça, 18 ayğa bilgelänä, dip xäbär itte:

"Menä inde 6 ay Amerikanıñ Berläşkän Millätlär Oyışmasında daimi wäkile yuq. Tağın da ozağraq kötep bulmıy, bigäräk tä suğış häm BMOda reformalar barğanda – bu wazifa bik möhim," dide Bush.

Bolton, Bushnıñ berençe prezidentlıq möddäte çorında qoral kontrol itü räsmie ide. Ozaq waqıtlar ul Berläşkän Millätlärne täñqitläp kilde. Ämma bügen ul, oyışmada amerikan başlanğıçların däwam itergä, BMOnıñ näticäle eşenä üz öleşen kertergä wäğdä itte.

XS
SM
MD
LG