Accessibility links

җомга, 9 декабрь 2016, Казан вакыты 22:24

Germaniä İrannı atom eşçänlegen yañartmasqa çaqıra


Germaniä tışqı eşlär ministrlığı, İrannı aşığıç adımnar yasamasqa çaqırdı. Süz – ägär dä Yevropa Berlege bügen İranğa iqtisad häm iminlek ölkälärendä yärdäm planı äzerläp tapşırmasa, Tährannıñ atom programmasın yañartuı turında bara. İrannıñ räsmi wäkilläre, Yevropa Berlege wäğdä itelgän yärdämne äzerläp ölgermäde, şuña Tähran tuqtatıp torğan atom eşçänlegen yañartaçaq, dip belderde. Germaniä isä, Yevropa Berlege täqdimne äzerli, häm tiz arada İranğa tapşıraçaq, di. İran Milli İminlek Şurası wäkile Ali Ağa Mohammadi, bu soñğı xällärne "tarixi" dip bäyläde:

"Minemçä bügenge kön bezneñ barıbız öçen dä – tarixi kön. Bez söyläşülärne, tınıçlıqnı, mönäsäbätlärneñ cılınuın yaqlıybız, bez xalıqara xezmättäşlek yağında. Ämma bez basımğa qarşı nıq torabız. Bezneñ bu sänäğät neft sänäğätennän dä zurraq. Bez Yevropa Berlege yanıy dip kenä üzebezneñ xoquqlardan baş tarta almıybız" dide İran wäkile.

Tähran, atom eşçänlege – qoral citeşterüne küz aldında totmıy, dip belderä.

XS
SM
MD
LG