Accessibility links

шимбә, 10 декабрь 2016, Казан вакыты 23:42

15 üzbäk qaçağı äle dä Qırğızstanda qala


Üzbäkstan tışqı eşlär ministrlığı, uzğan atnada 440 üzbäk qaçağın Qırğızstannan Romaniägä ozatqanı öçen Berläşkän Millätlär Oyışmasın kisken täñqitläp çıqtı. Belderüdä, bu ğämäl – "eçke eşlärgä tıqşınu" dip bäyälände. Qaçaqlar may ayında Ändicandağı wäqiğälärdän soñ Qırğızstanda sıyınu tapqan ide. Berläşkän Millätlär Oyışması Taşkentnı, Ändicanda bäysez tikşerü ütkärergä röxsät birmäwdä ğäyepläde. Qırğızstannıñ könyağındağı Oş şähärendä qulğa alınğan tağın 15 üzbäk qaçağı äle tikşerülär barışında ber qaya da cibärelmiäçäk. Bu xaqta prokuror urınbasarı Nurlan Cıyınaliev xäbär itte:

"Äle qarar qabul itelmägän. Alar Üzbäkstanğa cibäreläçäkme, başqa cirgäme – bügenme, irtägäme – äle äytä almıybız. Tikşerülär ütsen, qarar şunnan soñ bulır. General prokuratura 15 üzbäk qaçağınıñ Üzbäkstanğa qaytarıluı yaqlı," dide prokuror urınbasarı.

Prokuraturanıñ, 15 üzbäk keşeseneñ zur cinäyätlärgä qatnaşı bulğannarı turında mäğlümate bar, dip xäbär itelä.

XS
SM
MD
LG