Accessibility links

сишәмбе, 6 декабрь 2016, Казан вакыты 17:16

Qazanda Petr patşağa häykäl quyıluğa qarşı çığuçılarğa Başqortstan tatarları da quşıla


Başqortstannıñ tatar cämägätçelege Qazannıñ meñellığın bäyräm itü könnären kötä. Bäyräm yaqınlaşqan sayın Qazanğa, Tatarstanğa, anıñ citäkçelegenä qağılışlı yazmalar artqannan-arta bara. Başqala şähär şurasınıñ “Kiske Öfö” gäzite Qazan metrosı tözeleşe uñayınnan yazma birde. Anda qazanlılarnıñ tramway, trolleybuslarnı üz itüe, alarnıñ cir astına töşärgä telämäwe äytelä. “Metro tözeleşenä qarşı baş kütärülär dä buldı”, dielä. İnternetnıñ “Ufaweb” säxifäse Qazanğa meñ yäş tulu döreslekkä turı kilmi, ul uylap çığarılğan dip xäbär itä. Aña qarağanda, Tatarstan Prezidentı Mintimer Şäymiev, anıñ kiñäşçese Rafael Xäkimovlar quşuı buyınça tatar arxeoloğları Çexiädän iske aqçalar alıp qaytqan. Şularnı kümep, tantanalı räweştä qazıp çığarılğannan soñ, Qazanğa meñ yıl dip iğlan itkännär.

XS
SM
MD
LG