Accessibility links

сишәмбе, 6 декабрь 2016, Казан вакыты 17:19

Tömän sabantuyında qızlar da bil alıştı


Sabantuy 30nçı yüldä, şähär könne ütte. Qoyıp yañğır yawğanğa bu milli bäyrämneñ ike tapqır küçerelep yül başınnan iyül axırına qaluı turında tıñlawçılarıbızğa äytkän idek. Şunlıqtan, säxnägä mengän milli mädäni möxtäriät wäkilläre dä bügengä anıñ mäğnäseneñ üzgärüe turında äytep kittelär. Ölkä milli eşlär komitetınıñ baş belgeçe Rifkät Nasibullin: “Sabantuylar ütep kitte. İnde şähärneñ bäyräme belän sezneñ bötenegezne qotlıym”,- dide. Ölkä möxtäriäteneñ mädäniät komitetı başlığı Wälimä Taşqalowa Sabantuynıñ tuğan-tumaça, tanış-beleş, dus-iş belän oçraşu urını ikänlegen äytep kitte. Ä avtonomiä räise Rişat Ziğanşin bäyrämgä başqa millät wäkilläre dä kilgänlekne istä totıp: “Bügenge bäyräm- duslıq bäyräme ul”,- dide. Bäyrämne Tömän şähäre tatar mädäniät üzäge ütkärgänlektän, säxnädä üzäk qarşında eşläwçe sänğät törkemnäre çığış yasadı. 10-12 yäşlek qaşıqçılar ansamble ölkänräk yäştäge cır-biyü söyüçelärneñ küñellären açsa, köräş yaratqannarnı xäyran itep mäydanğa qızlar çıqtı. Qızlarnıñ bil alışuın qarap torğan şiğri canlı Tömänle Klara Kuçkovskayanıñ küñelenä şul uq waqıtta şiğer yulları da kilgän. -Köräşte Sabantuyında “ax-ux” kilep batırlar, “Göp tä göp” itep tuzanğa bersen berse attılar. Ber qarasañ uñay ğına bilgä bilbaw salasıñ, Awızın açıp torğanda cirgä atıp salasıñ. Batırlarğa qarap torıp canım belän qızışam, İkençe yılğa min dä menä köräşlärdä qatnaşam. Seber yaqlarında moña qädär ber qayçan da qızlarnıñ tatarça köräşkä çıqqanı yuq ide. Ägär dä mäydan tiräsenä cıyılğan, bik qızıqsınıp qarap torğan qızlarnı kürep, qayçandır üze köräşep yörgän biznesmen Rinat Nasirov: “Äydägez iğlan itep qarıyq, qızlar çıqmas mikän, ciñüçegä aqçalata büläk minnän”,- dip täqdim yasamasa bu yulı da bulmas ide. Qızlar arasında İşimnan kilgän Sälimä Taurbayewa batır qaldı. Annan mäydanda yäşüsmerlär häm ir-yegetlär bil alıştı. 5 yıl inde bu yaqlardağı törle Sabantuylarda baş xaqim bulğan Ğabdelxaq Minnebayev süzlärençä, ciñüçelär häm köräşüçelärneñ kübese klassik köräş belän şöğellänüçe sportçılar. -Xäzer ostalıqları üzgärmi. Şul ber urında. Kem şöğellängän köräş belän, alar ciñälär. Kem şöğellänmägän alar ciñelälär. -Bezneñ Tömän yegetläre arasında tatarça köräş belän şöğellänüçelär küpme? -Tatarça köräş poka monda yuq. Grek-rim köräşe buyınça, elek klassiçeskiy dip äytälär ide, şular ğına ciñälär. Tatarskiy sentrda bez organizovat itep qarıybız, niçek bulıp çığar, tatarlarda 2 genä malay, kübese ärmän malayları şöğellänälär. Ğabdelxaq Minnebayıv äytüençä, bu yaqlarda tatarça köräşneñ däräcäsen kütärü öçen küp eşlärgä kiräk. Xäzer Tömändä tai boksı, qağidäsez suğışlar ütä. Şunıñ räweşendä tatarça köräş şowları ütkärü dä milli üzençälekne propagandalawğa tiskäre yoğıntı yasamas ide.

Nail Alan, Tömän

XS
SM
MD
LG