Accessibility links

җомга, 2 декабрь 2016, Казан вакыты 22:53

Almaz yatmaların tikşerü däwam itä


Başqortstannıñ Beloret rayonı bilämälärendä sänägät citeşterüen başlaw öçen yaraqlı külämdä almaz yatışları tabılğan. Bu xaqta respublik premer-ministrı Rafael Baydäwlätov sişämbe könne belderde. Ufada Rusiäneñ Cir astı baylıqlarınnan faydalanu federäl ağentlığı citäkçese Anatolıyy Ledovskix belän berlektä sişämbe könne Rafael Baydäwlätov cir astı qazılma baylıqlarınnan faydalanu ölkäsendä xezmättäşlek itü buyınça Kileşügä qul quydı. Mäskäw qunağı äytüençä, bu kileşü 5 yılğa tözelgän häm ul Başqortstan yağına üzeneñ cir astı baylıqlarınnan kübräk külämdä faydalanu xoquqların birä.

Şuşı kileşüne imzalağannan soñ yasağan çığışında Başqortstan Xökümäte başlığı respubliknıñ Beloret rayonında çirattağı almaz yatışları tabıluı xaqında äytte dä inde. Başqortstanda almaz yatışların öyränü uzğan ğasırnıñ 30nçı yıllarınnan uq alıp barıla. Ämma älegä anı çığara başlaw xıyal ğına bulıp qaldı. İke-öç yıldan almaz yatışların üzläşterä başlaw küzallana, dip belderä Başqortstan citäkçelege.

XS
SM
MD
LG