Accessibility links

Кайнар хәбәр

Xalıq şağire Mäcit Ğafurıy tuuına 125 yıl tuldı


Başqortstannıñ xalıq şağire, tatar häm başqort xalıqlarınıñ urtaq klassik ädibe Mäcit Ğafurıynıñ tuuına 2 augustta 125 yıl tuldı. Şuşı olı yübileyğa bağışlanğan tantanalar bıyıl sentäbr ayında Ufada häm Ğafurıy rayonında ütäçäk. Xalıq şağireneñ yübileye bu yulı ayıruça zurlap bilgelänäçäk. Bu çarağa äzerlänüne respublik xökümäte ayırım qontrol'dä tota. Bu tantanalarğa Tatarstannan, Mäskäwdän, Çiläbe, Perm, Irımbur ölkälärennän häm başqa töbäklärdän yözlärçä qunaq çaqırıla. Alar arasında yazuçılar, şağirlär, jurnalistlar, ğälimnär bar.

Äle Mäcit Ğafurıynıñ tuğan yağı – Ğafurıy rayonınıñ Cilem Qaran awılında xalıq şağireneñ muzeyen häm anıñ isemendäge parknı tözekländerü, maturlaw eşläre tögällänep kilä. M.Ğafurıynıñ Ufadağı häm anıñ tuğan yağındağı muzeye august urtalarına uq xalıqnı qabul itügä äzer bulaçaq, dip belderä BR mädäniät häm milli säyäsät ministrı İldus İlişev. Başqortstan gäzitlärendä soñğı atnalarda Mäcit Ğafurıynıñ tormışına häm icatına bağışlanğan yazmalar eş dönya kürä. Xalıq şağireneñ yübileye uñayınnan tanılğan tatar ğälime häm ädip Äxät Niğmätullin da üz mäqälälären äzerläde. «Azatlıq» radiosına da Äxät ağa Mäcit Ğafurıy şäxesenä bäyle üz fikerläre belän urtaqlaştı. «Ğafurıy üz zamanınıñ cırçısı buldı. Şulay da anıñ däräcäsen kimetergä teläwçelär belän rizalaşmıym», – di Äxät ağa.

(Äxät)

Sez Ufadan tanılğan ğälim häm ädip Äxät Niğmätullinnı tıñladığız. Şulay itep, Mäcit Ğafurıynıñ zur yübileyen matur itep ütkärügä soñğı äzerleklär bara. Yübileyğa äzerlänüçe mädäni proğramma da bik bay bulmaqçı. Kilgän qunaqlarğa teatrlaştırılğan tamaşalar kürsäteläçäk. Ä M. Ğafurıynıñ «Qızıl yoldız» äsäre buyınça Başqort däwlät aqädemiä drama teatrı yaña premerä äzerli.
XS
SM
MD
LG