Accessibility links

дүшәмбе, 5 декабрь 2016, Казан вакыты 15:29

AQŞ: G.Bush Boltonnı BMOğa ilçe itep bilgeläde


Prezident G.Bush John Boltonnı BMOna ilçe itep täğäyenläp Senatta anıñ tiräsendä barğan bäxäsne tuqtattı.Senattağı demokratlar Bolton kileşüçän keşe tügel ,ul BMOda AQŞ tırışlıqlarına zian kiteräçäk digän argument belän anıñ raslanuın tuqtatqan ide ..Ämma Bush, Bolton postqa in kileşkän keşe digän qaraşta häm Senat yalda bulğan çaqta xakimiäten qullanıp añı ilçe itep bilgeläp quydı.Bolton BMO tarixındağı in kiñ reformalar turında debatlar baraçaq summit başlanuğa 6 atna qalğanda şul urınğa kiterelde

John Boltonnıñ mart ayında BMO na ilçe itep täğdim itelüe senatta Respublikannar belän Demokratlar arasında qızu debatlarğa säbäp buldı. Boltonnın üz qulı astında eşläwçelärgä qırıs möğämälä kürsätüe turındağı xabärlär ,şulayuq administratsiädä qorallarnı kontrol räsmie bularaq anıñ küzläw idaräläre xisabların bozırğa tırışuı turında ğäyepläwlär säbäple Demokratlar borçılu belderde. Ämma G.Bush AQŞ Kongressınıñ cäyge yalğa kerüennän faydalanıp Boltonnı waqıtlı räweştä BMO postına bilgeläde. Bu möddät yaqınça 18 ay.Prezidentlar yuğarı postlarğa keşe bilgeläw öçen andıy avtoritetların bik siräk qullana, ämma Bush BMOnıñ AQŞ säyäsäte öçen ähämiätenä işarä itep bolay dide:

Bush(audio)

6 aydan artıq waqıt AQŞnıñ BMOda daimi ilçese yuq. Suğış häm BMO reformaları turında ähämiätle söyläşülär barğanda andıy möhim urınnı ozaqraq waqıt buş totıp bulmıy

G.Bush demokratiäne cäyelderü , açlıqqa qarşı köräş häm bälä-qaza qorbannarına yardäm mäsäläsendä BMOnıñ AQŞları belän xezmättäşlegen xupladı.Äle AQŞları häm BMOsı öçen mömkinçelek waqıtı

Bush süzlärençä(audio)

Bez Äfganstan häm Ğıraqta irekle saylawlar ütkärep, azatlıq tarixında ike möhim waqıyğäneñ nigezen salırğa yardäm ittek.İlçe Bolton BMOnıñ effektiv yaña yullar tabu häm yaxşı näticäle yaxşı niätlären däwam itterüenä yardäm itäçäk

Senattağı Demokratlar Boltonnıñ täğäyenlänüenä qarşı çığıp, möhim waqıtta AQŞ ilçesenä ışanıçnı kimetäçäk dip äytte. BMO general sekretarı Kofi Annan jurnalistlarnıñ Bolton turında birgän sorawlarına bik sälätle keşe min anıñ belän bergäläp yaxşı eşlärbez dip ışanam digän

Annan(audio)

Prezident üzen wäkillek itü öçen Boltonnı şuşı protsess aşa bilgelärgä qarar birgän ikän bu anıñ xoquqı. Bez prezident häm xökümätneñ wäkile bularaq anıñ belän bergä eşliäçäkbez.

John Bolton küptännän birle BMonı tänqitläp kilsä dä düşämbedä ul AQŞ inisiativaları häm täsirle BMo buldıru öçen armi talmi eşlärgä wağdä itte.

Bolton(audio)

oyıştıruçılarnıñ ideallärenä turılıqlı qalıp 21nçe ğasırğa kileşle köçle täsirle oyışma telibez.BMOda AQŞnıñ qımmet häm mänfäğätlären yaqlaw häm BMO xartiäse nigezendä xalıqara tınıçlıq häm iminlekne tämin itü bik zur privilegiä bulıp tora

BMOda kiñ qolaçlı reformalar turında debatlar bara. Alar arasında İminlek şurasın kiñäytü BMO keşe xoquqları komissiäsen üzgärtü häm terrorğa bilgelämä birü kebek mäsälälärne telgä alıp bula färidä xämit
XS
SM
MD
LG