Accessibility links

шимбә, 3 декабрь 2016, Казан вакыты 01:35

Räfil Noğmanov: "Qazanğa kerü yulları yabılmayaçaq"


İmeşter, şähär yabıla, kerü propusk buyınça bulaçaq, şähär üzägendä kibetlär yabılaçaq, maşinalarğa yağulıq satılmayaçaq häm başqa şundıy imeş-mimeşlärgä açıqlıq kertü öçen ikençe avgust könne Tatarstanıñ Ministrlar Kabinetında matbuğat oçraşuı uzdı. Monda Tatarstannıñ xökümät, mädäniät, mäğärif, eçke eşlär ministrlıq wäkilläre häm yuğarı uqu yortları citäkçeläre çaqırılğan ide.
Brifingta Mädäniät ministrı Zilä Wälieva Qazannıñ meñ yıllığın ütkärü waqıtında kertelgän bäyräm çaraları belän tanıştırdı.
12 avgust könne TR gumanitar- pedagogika universitetınıñ yaña binası häm älege bina yanında Salix Säydäşev häykäle, Däwlät muzeynıñ yaña ekspozitsiäse açılaçaq. Şulay uq bu könne yañartılğan TR Musa Cälil isemendäge opera häm balet teatrında 26 avgustta bulası TR sänğät ostalarınıñ gala konsertına repetitsiäse kötelä.
22 avgustta Böyek İdel yulı şähärläreneñ kongressı uzarğa tieş.
23 avgust könne Kreml''dä milli sänğät galereyası açılaçaq. Şul uq könne başqalağa Ermitaj üzägen açu öçen Mixail Peotrovskiy kilüe häm “Altın Urda: tarix häm mädäniät” isemle kürgäzmä açılır dip kötelä.
24 avgustta Qazanda Sankt-Peterburg könnäre häm Qazan fil''mnarına bağışlanğan “Planeta Qazan” atnalığı uzaçaq. Filmnar başqala kinoteatrlarında kürsätelä.
25 avgustta “Tarixnıñ altın bitläre” köne qısalarında fän, mädäniät, sänğät eşlekleläre häykällärenä çäçäk quyu qaralğan. Monnan tış “Meñyıllıq şähärneñ ber yılı digän fotokürgäzmä belän dä tanışırğa mömkin.
26sı könne Qazan yärminkäsendä “Oçraşu urını - Qazan” digän kürgäzmä açıluı kötelä. Şulay uq RF Prezidentı Vladimir Putin qatnaşlığında 1000 yıllıq Qazan parkı açılaçaq häm RFDäwlät Sovetınıñ küçmä utırışı, BDB illäre başlıqları sammitı oyıştırıla.
27 avgustta metronı tantanalı räweştä açılaçaq häm Rusiä Prezidentı prizına xalıqara at çabışları uzuı kötelä.
28 avgustta Törkiä respublikasınıñ konsullığı eşli başlıy.
29 könne Bötendönya tatar kongressı Başqarma komitetı wäkilläreneñ Piramida küñel açu üzägendäge cıyılışı, törle töbäklärdän kilgän tatar artistları çığışları. Şul uq könne yaña boz sarayı açılışında Konstantin Orbelyan idäräsendäge Däwlät Akademiä Kamera orkestrı qatnaşlığında “Skorpions” rok törkeme çığış yasıy.
30 könne kön däwamında bäyräm çaraları uzaçaq. Ğomumän, bäyrämgä küp kenä Rusiä yoldızları häm tanılğan cırçılar qatnaşuı kötelä. Mäsälän, Opera cırçısı Dmitriy Xvorostovskiy, “Yevroviden''ye 2004”tä ciñgän Ukraina cırçısı Ruslana, Nikolay Baskov, “Na-Na” törkeme, Törkiä yoldızı Tarkan, Alsu, Albert Asadullin, Rinat İbrahimov häm başqalar.
“Qazannıñ meñ yıllığı waqıtında başqalağa kerü yulları yabılmayaçaq. Respublikağa kergändä postlarda östämä xezmätkärlär quyılaçaq, qatğıy tikşerülär bulaçaq. Barı tik qunaqlar bulaçaq cirlärdä genä yullar yabılıp toraçaq. Tranzit maşinalarına urap uzu yulları kürsäteläçäk, bäyräm uzaçaq urınğa xalıqnı tikşerep kertäçäklär”, dip belderde TR eçke eşlär ministrı urınbasarı Räfil Noğmanov.
TR yul iminlege citäkçese Rifqät Miñnexanov 25, 26, 27 avgust könnärendä maşina belän yörüçelärgä şähär üzägenä çığudan tıyılıp torırğa kiñäş itte. Bäyrämgä kiläçäk qunaqlar öçen 4320 urınlıq 12 maşina quyu urını buldırılaçaq. Alardan töp bäyräm çaralarına avtobuslar yöriäçäk, maşinalarğa yağulıq satuğa kilgändä, 20 avgustqa qädär yağulıq salu stansiäläre ğädättägeçä eşläyäçäk, şunnan soñ ay axırına qädär stansiälärgä benzin salu kiçke 12dän irtänge 6ğa qädär bulaçaq, dip äytte TR yul iminlege citäkçese Rifqät Miñnexanov.
Gölnaz Şäyxetdinova

XS
SM
MD
LG