Accessibility links

пәнҗешәмбе, 8 декабрь 2016, Казан вакыты 01:23

Beslan faciğäsendä häläk bulğannarnıñ sanı arttı


Uzğan yılnıñ 1nçe sintäberdä mäktäptä balalar häm uqıtuçılarnı totıq alu faciğäsendä häläk bulğannarnıñ sanı tağın ber keşegä arttı. Ria-Novosti mäğlümat agentlığı xäbär itüençä, uzğan töndä, uzğan yılnıñ sintäberennän birle yasalma sulış alu sistemasında yäşägän Marina Jukayeva wafat bulğan. Ul çaqta meñgä yaqın keşe, alar arasında küpçelege balalar totıq itep alındı. 331 keşe häläk buldı. Totıq aluçılardan isän qalğan 1 keşe östennän xäzer xökem eşe bara. Rusiä räsmiläre, totıq alunı oyıştıruçılar barısı da Tönyaq Kavkazdan bulğan, dip belderä. Ämma kiçä mäxkämä utırışında tanıqlıq itkän şaxitlär, totıq aluçılar arasında slav millätennän buluçılar da bar ide, dip belderde.

Tönyaq Ossetiä başqalası yanında respublikanıñ tözeleş ministrı Aleksandr Bazoyev mäyete tabıldı. Kiçädän birle anıñ qayda bulğanı bilgesez ide. İtar-Tass xäbär itüençä, cinäyät eşe açılğan, tikşerülär bara. Bazoyev şulay uq Tönyaq Ossetiäneñ iñ ere tözeleş şirkätläreneñ bersen citäklägän bulğan.

XS
SM
MD
LG