Accessibility links

җомга, 9 декабрь 2016, Казан вакыты 08:47

23 yıl idarä itkän Söğüd patşası Fahd Riyadta cirlände


Möselman dönyası yulbaşçıları bügen Söğüd patşası Fahdnı kümü yolasında qatnaştı. 23 yıl il belän idarä itkän patşa, Söğüd Ğäräpstannıñ wahhabi täğlimäte quşqança, ğadi, başqalardan ber närsäse belän dä ayırılmağan qäberlektä Riyad ziratında cirlände. Şulay uq bik küp möselman däwlätlärennän ayırmalı bularaq, Söğüd Ğäräpstanda mätäm iğlan itelmäde. Cänazada qatnaşqan yuğarı citäkçelär arasında Äfğan prezidentı Hamid Qarzai, Pakstan ilbaşı Pervez Möşärräf, Süriä prezidentı Başar al-Assad bar ide. Britaniäne şaxzadä Çarlz, AQŞ vise prezident Dick Cheney wäkillek itte. Qayber citäkçelär Riyadqa irtägä, xalıqnıñ yaña patşa Abdullağa tuğrı buluları turında ant kiterü çarasına kiläçäk.

XS
SM
MD
LG