Accessibility links

сишәмбе, 6 декабрь 2016, Казан вакыты 08:51

Yevropa İrannı atom eşçänlegen yañartmasqa çaqıra


Fransiä tışqı eşlär ministrı Philippe Douste-Blazy, İran, tuqtatıp torğan atom eşçänlegen yañartuı belän xalıqara nizaq çığaraçaq, dip belderde. Britaniä, Germaniä Fransiä häm Yevropa Berlegeneñ tışqı säyäsät başlığı Javier Solana, İrannıñ atom eşlärendäge yuğarı wäkile Hassan Rowhaniğa, ägär dä İran atom eşçänlegen yañartsa, bu – Yevropa Berlege belän söyläşülärneñ tämamlanuın añlataçaq" digän xat yulladı.

Yevropa Berlegeneñ, İranğa atom programması qarşılığı bularaq säwdä häm iminlek ölkälärendä yärdäm täqdim itü waqıtı çıqtı. Häm İran, atom eşen yañartaçağı belän yanağan ide. Yevropa Berlege täqdimnärne äzerläp beterer öçen tağın 1-2 kön kiräk, dip belderä.

Fransiä premyer-ministrı Dominique de Villepin, ägär dä İran atom eşçänlegen yañadan başlasa, mäsälä Berläşkän Millätlär Oyışmasınıñ İminlek Şurası köntärtibenä quyılaçaq, dip belderde.

İrannıñ atom energiäse oyışması başlığınıñ urınbasarı Mohammäd Saeedi, Tähran ike kön eçendä uran bayıtu eşen yañartaçaq, dide.

XS
SM
MD
LG