Accessibility links

Кайнар хәбәр

Tömändä Säğidä Xäyrullinanı iskä aldılar


-Ütkännärgä bezne qaytaruçı yarıy äle, yarıy xäter bar.

Kiläçäktä borılıp ütkännärgä bezne dä bit kemder xäterlär.

İñ döresen şunda äyterlär!

İsänmesez, xörmätle duslar! Bez bügen Rossiä federatsiäseneñ atqazanğan mädäniät xezmätkäre kitapxanäçe, cämäğät eşleklese Xäyrullina Sägidä Xämidulla qızın iskä alu kiçäsenä cıyıldıq.

Änä şuşı süzlär belän Tömän ölkäseneñ fänni kitapxanäsendä “Xäter kiçäse” başlandı. Anı milli ädäbiätlär bülege xezmätkäre Gölşat Gällämova alıp bardı. Mödärris häm Fatix xäzrätlär Sägidä Xämidulla qızı ruxına doğa uqığaç, 30 yıldan artıq Tömän şähärendäge 10 nçı kitapxanäneñ mödire bulıp eşlägän, 2 yıl elek ruxı baqi dönyağa küçkän millätpärwär turında härkem dä iñ cılı istäleklären söyläde.

Avtonomiälär, assotsiatsiälär, ictimaği üzäklär bulmağan waqıtta da 80 nçe yıllar başında uq Tömän şähärendäge tatarlar üz tormışı belän yäşäde. Tatarlar öçen biü kiçäläre, törle oçraşular ütte.

(audio)

-İñ başta nigez saluçılar: Bulat Söläymanov, Änäs Gaitov häm Sägidä Xäyrullina... Näq alardan dulqınnar kitte. Tatarça kitapnı min berençe tapqır anıñ qulınnan aldım. Tatar bülege yabılğan waqıtta da, yäşeren bulsa da Sägidä apanıñ tatar kitapları bar ide. Rusça kitapqa dip kilgän tatar balalarınıñ qullarına tatarça kitap tottıra ide. Tatarça xäreflärne: ä, ö...ne min Sägidä apadan işetkän häm öyrängän.

Dip söyläde “Xäter kiçäsendä” “Oçraşular” teletapşıruın alıp baruçı jurnalist Gölsinä Niäzova. Sägidä Xäyrullina barsına da ölgerä ide. “Tömän nurları” ansamblendä cırladı. Xatın-qızlar oyışmasınıñ citäkçese buldı. Tömändäge ber genä çara da anıñ yärdämennän, qatnaşınnan başqa ütmäde. Balalar belän balalarça, ölkännär belän ölkännärçä bula belde. Xälimä apa Urazovanı tıñlıyq äle.

(audio)

-Bezne qartalarnı bik xörmät itte. Närsä genä ütkärmäde ul bezneñ belän. Äle qartlar kiçäse, äle vraçlarnı çaqıra, sälamätlänü kiräk, dip alarğa söylätä, äle baqçaçılarnı çaqıra. Nindi genä xezmätkärlär çaqırmadı... Qartlarnı bik xörmät itte.

(mönäcät)

Xäter kiçäse däwamında Sägidä Xäyrullina turında barı tik iñ cılı istäleklär genä äytelde. Anıñ kiñ küñelle, tınğısız häm härwaqıt bulsın dip yörgän can, tatar dönyasına xezmät itep fayda kiterüne olı bäxetkä tiñläwçe, millät öçen can atıp yäşägän keşelärneñ berse bulğanlığın kiçägä kilep süz almağannar da, soñınnan çäy östäle yanında, äytep kittelär.

Nail Alan. Tömän.

XS
SM
MD
LG