Accessibility links

шимбә, 10 декабрь 2016, Казан вакыты 11:45

Törkiä Yevropa Berlegenä kerü öçen yaña şartlarnı ütämiäçäk


Fransiäneñ, Törkiä Yevropa Berlege belän äğzalıq söyläşülären başlağançı Kiprnıñ Grek xakimiäten tanırğa tieş, digän çaqıruın premyer-ministr Recet Tayyip Erdoğan bügen kire qaqtı. Anıñ süzlärenä qarağanda, Törkiä söyläşülär başlanğançı başqa ber nindi dä yaña şartlar qabul itmiäçäk. Törkiäneñ Berlekkä kerü turında söyläşülär üktäberneñ 3senä bilgelängän. Fransiä premyerı Dominique de Villepin, kiçä, Törkiäneñ, Berlekneñ 25 äğzasın tanımıy torıp söyläşülär başlawı – añlaşılmıy torğan xäl, digän ide. Yevropa Komissiäse häm Berlekneñ prezidentlığı wazifasın ütägän Britaniä, Villepinnıñ bu süzlärenä salqın qaraş belderde häm, Berlekkä kerü şartları arasında Änkaranıñ Grek Kiprın tanuı turındağısı yuq ide, dide.

XS
SM
MD
LG