Accessibility links

чәршәмбе, 7 декабрь 2016, Казан вакыты 21:34

AQŞ ğäskärläreneñ Ğiraqtan kitü waqıtı bilgelänmi


Ğiraq premyer-ministrı urınbasarı Ahmäd Çalabinıñ yärdämçese Häydär Möhammäd ali al-Dujali üterelde. Polisiä mäğlümatlärenä qarağanda, al-Dujaili üz öyendä atıp üterelgän. Ul Ğiraq Milli Kongressı wäkile ide. Berniçä kön elek qorallanğan ber törkem Çalabi wäkilläre utırğan maşinalarğa ut açıp tän saqçısın üterde. Çalabi üze maşinada yuq ide.

Kiçä Haditha şähärendä 14 amerikan diñgezçese häm alarnıñ tärcemäçeläreneñ üterelüennän soñ AQŞ prezidentı George Bush, amerikan ğäskärläre Ğiraqta missiä betkänçe qalaçaq, dip belderde. Xärbi köçlärne çığaru waqıtı bilgelänmiäçäk, dide Bush:

"Ğäskär başlığına möddät bilgeläwneñ mäğnäse yuq. Bez suğışta. Bez qansız doşmanğa qarşı torabız. Ägär waqıt bilgeläsäk, doşman üz taktikasın üzgärtäçäk. Bezneñ möddät, Ğiraq xärbilären äzerläwgä bäyle. Alar qarşı totırğa äzer bulğaç bezneñ ğäskärlär yawlap alğan däräcä belän öylärenä qaytaçaq," dide Bush.

Öçençe kön Haditha şähärendä amerikan köçläreneñ 6 diñgezçese, kiçä 14te häläk buldı. Kiçä Basrada amerikan jurnalistı Steven Vincentnıñ mäyete tabıldı.

XS
SM
MD
LG