Accessibility links

пәнҗешәмбе, 8 декабрь 2016, Казан вакыты 23:13

Tatnet : Qazanda DSL populyarlıq qazana


Tatarstanda, räsmi kürsätkeçlärgä qarağanda, 190 meñläp internet qullanuçı bar, alarnıñ 100 meñe – Qazanda. Yıl sayın qullanuçılar sanı artu säbäple, 2005 yılda, internetçılar sanı 200 meñgä citär, dip isäplänä. İnternet, kompyuterlar yärdämendä genä tügel, ğadi häm mobil telefon, televizorlar aşa da tormışqa kiñräk kerep bara.

İP telefoniä turında işetkänegez bardır. Şuşı xezmät, şähär ara elemtäneñ xaqın, ber niçä tapqırğa kimetergä mömkinlek birä. İP telefoniäne, internetqa kerü öçen dä qullanırğa bula. Bu xaqtağı sorawlarğa bu atnada «Qazan şähär elemtä çeltäre» şirkäte başlığı Äxmät Mägsum uli Fäxriev cawap birde. Anıñ äytüençä, kiñ kanallı internetı urnaştıru buyınça, Qazanda şirkätneñ 3 brigadası eşli häm ölgerä almıy. Çönki teläweçlär bik küp. Ul DSL texnologiäse dip atala. Ütkän ayda Qazanda 150 andıy zakaznı ütägän alar. Bu sistema inde bulğan telefon liniäsenä östämä caylanalar quyıp, telefonğa qarağanda berniçä tapqırğa tizräk eşlätä torğan elemtä ısulın qorırğa mömkinlek birä. Qazan şähär elemtä çeltäre başlığı tağın, yaqın kiläçäktäge texnologiäneñ, internetnıñ üsü mömkinlekläre belän tanıştırdı. İnde xäzer uq, mobil telefon aşa ğlobal çeltärgä totaşırğa mömkin. Ä kiläçäktä, internetnı, kompyuter bulmasa, televizor aşa qarap bulaçaq. Anıñ öçen, televizorğa ber caylanma alıp quyası bula, di Äxmät Fäxriev söyli. «Qazan şähär elemtä çeltäre» başlığı süzlärençä, başqalada telefonnarnı digital elemtägä äyländergändä, şähärdä optiko-cepsel kabel’lär suzılğan. Qazannıñ 1000 yıllığı bäyrämnäre waqıtında, mäsälän, jurnalistlarğa, matbuğat üzägendä, başqala qunaqlarına qunaqxanälärdä, iñ aldınğı internet texnologiälärne qullanırğa mömkinlek bireläçäk.

XS
SM
MD
LG