Yevropa Komissiäse Üzäk Aziädä tabiğat qazaların buldırmaw eşlärenä 3 million 500 meñ yevro bülep birde. Bu yärdäm töbäkneñ 5 ilenä – Qazağstan, Qırğızstan, Taciqtstan, Törkmänstan häm Üzbäkstanğa bulaçaq. Yevropa Berlege Üzäk Aziägä häläkätlärne buldırmaw öçen aqçanı 1995nçe yıldan birle birä başladı. Komissiä şulay itep cirle xakimiätlärgä tabiğat häläkätlären aldan kürü, xalıqnı kisätü sistemaların buldırırğa yärdäm itä. İñ qatı qazalar bulğan töbäklär arasında Taciqstan, Üzbäkstannıñ ber öleşe, Könyaq Qırğızstan häm Färğänä üzäne.
