Kanaveral borını, Florida -- Quşma Ştatlarnıñ Discovery karabı cirgä qaytu öçen bügen Xalıqara ğäläm stansiäsennän ayırıldı. Discovery komandirı Eileen Collins bu turıda Houston'dağı NASA üzägenä xäbär itte. Discovery karabı ğäläm stansiäsenä totaşqan kileş 8 kön ütkärde. Xäzer ul stansiädän 120 metr yıraqlıqta oça, astronavtlar anı törle yaqtan räsemgä töşerep, qabat tikşerep çığa. 2003 yılda Columbia karabı cirgä qaytqanda qazağa oçrağan ide. Astronavtlarnıñ 7se dä häläk buldı. Bu yulı iminlekkä ayıruça zur iğtibar birelde. Start waqıtında karabnıñ tışlığında izolätsiä kisäkläre çığıp qalğan ide. Amerikan astronavtı açıq ğälämgä çığıp bu kisäklärne tartıp aldı. Discovery karabı Cirgä düşämbedä qaytırğa tieş.
