Accessibility links

якшәмбе, 4 декабрь 2016, Казан вакыты 00:53

İran prezidentı basımğa bireşmäskä wäğdä itte


Tähran -- İrannıñ yaña prezidentı Mäxmüt Äxmädinejad bügen wazifasına kereşep, çit il basımına bireşmäskä wäğdä itte. Bügen prezidentlıqqa ant kiterep, Äxmädinejad İslam häm İrannıñ bäysezlegen yaqlarğa süz birde. İrannıñ atom programması tiräsendäge qarşılıqnı telgä almıyça ğına, ul, İran xalqı köç qullanuğa yul quymayaçaq, dide:

"Bez ezlekle, xalıqara qanunnarnı ixtiram itäbez. Läkin bezneñ xoquqlarnı bozırğa teläwçelärgä bireşmäyäçäkbez."

Yevropanıñ 3 ile, Britaniä, Fransiä häm Germaniä 2 yıl buyına İran belän söyläşülär alıp bara. İran atom yağulığın citeşterüdän baş tartqan oçraqta, Yevropa Berlege säwdä häm iminlek ölkäsendä täqdimnär yasağan ide. İran räsmiläre Yevropa Berlegeneñ bu soñğı täqdimen "qabul itep bulmaslıq" dip atadı. Diplomatlar fikerençä, Tährannıñ bu kire qağuınnan soñ BMOnıñ İminlek şurası tieşle çaralar kürergä mömkin. Berläşkän Millätlärneñ Atom İdaräse älege mäsäläne kiläse sişämbedä tikşerergä cıyına.

XS
SM
MD
LG