Accessibility links

җомга, 9 декабрь 2016, Казан вакыты 10:49

Iran atom niätennän cigenergä cıyınmıy


Tähran -- İran bügen tağın ber tapqır atom eşçänlegen yañartu niätennän çigenmäyäçägen beldere. Tışqı eşlär ministrlığı süzçese Xämit Riza Asefi süzlärençä, bu eşlär, Xalıqara Atom energiä idaräse belgeçläre küzläw cihazların urnaştırğannan soñ başlanaçaq. İran Yevropa Berlegeneñ soñğı täqdimen kire qaqqannan soñ, Berläşkän Millätlärneñ İminlek Şurası İranğa çikläwlär kertergä mömkin digän kisätülär yasalğan ide. Xämit Riza Asefi süzlärençä, bu İrannı borçımıy:

"Min Yevropalılarğa yanawlardan totılıp qalırğa täqdim itäm. Sişämbedä Xalıqara Atom energiä idaräse İran mäsäläsen tikşerergä tieş. Bu mäsäläne İminlek Şurasına çığaru qanunsız häm säyäsi adım bulaçaq. Bezneñ moña isebez kitmiäçäk. Yevropalılar üz yulların saylarğa tieş."

Britaniä, Fransiä häm Germaniä yasağan täqdimnär nigezendä, Yevropa Berlege İrannıñ ciñel suda eşli tirğan reaktorların yağulıq belän täemin itergä, İran yağulıq qaldıqların qaytarırğa tieş ide. Bu qaldıqlarnı atom qoralı yasawda qullanıp bula. Monnan tış İranğa Üzäk Aziädän Yevropağa neft quuda öleş birelergä tieş ide.

XS
SM
MD
LG