Accessibility links

җомга, 9 декабрь 2016, Казан вакыты 22:33

Tönyaq Korea söyläşüläre körçekkä terälde


Pekin -- Quşma Ştatlar Tönyaq Koreanıñ ciñel suda eşli torğan atom reaktorına iä bulu telägen kire qaqtı. Pekinda ütkän 6 yaqlı söyläşülärdä Quşma Ştatlarnı wäkillek itkän Christopher Hill süzlärençä, söyläşülär Pxenyannıñ näq şul teläge arqasında körçekkä terälgän:

"Soñğı könnärdä şul açıqlandı: kileşügä ireşügä qoma çawlağan mäsälä – energiä citeşterü teläge genä tügel, ä çiñel suda eşli torğan reaktor totu teläge."

Mondıy reaktorlar atom qoralına çimal citeşterä ala. Ul arada Pxenyan atom qoralın yasawın qabatladı, häm Quşma Ştatlar kileşügä ireşergä teläsä säyäsäten üzgärtergä tieş dide. Tönyaq Korea wäkile Kim Kye-gwan süzlärençä, Quşma Ştatlar Tönyaq Koreağa atom höcüme belän yanıy, şuña kürä alar atom qoralın citeşterä. Pekinda barğan söyläşülärdä Quşma Ştalar, Rusiä, Yaponiä, Qıtay häm ike Korea wäkilläre qatnaştı. Kileşügä ireşelmägäç, söyläşülärdä Awgustnıñ 29na qädär tänäfes iğlan itelde.

XS
SM
MD
LG