Accessibility links

җомга, 9 декабрь 2016, Казан вакыты 18:31

Samarda “ Kazanskaya” uramı torğızılırmı?


Äle patşalar zamanında da Samarnıñ üzendä “ Kazanskaya” isemle uram bulğan. Ä inde sotsializm yulına basıp tatarnıñ telen yuq itüne maqsat itep quyğaç, tatar belän bäylängän isemnär dä qara isemlekkä elägälär. Samarda “ Kazanskaya” uramı yuqqa çığa. Şul uq waqıtta “ Kievskaya”, “ Alma- Atinskaya”, “ Taşkentskaya” häm başqa şundıy isemnär urınnarında qaldırılalar.

“ Tuğan tel” isemle Samar ölkä tatar cämğiäte häm Samar şähäre milli- mädäni möxtäriäte üzläreneñ urtaq utırışlarında Samar şähäre türäse Georgiy Limanskiğa möräcäğätnamä qabul ittelär. Menä şul möräcäğätnamäneñ qısqaça eçtälege.

“ Xörmätle Sergey uğlı Georgiy!

“ Tuğan tel” cämğiäte häm Samar şähäre milli- mädäni möxtäriäte ruxi märkäzebez Qazannıñ 1000 yıllığın bäyräm itü könnärendä Samarnıñ ber uramına “Kazanskaya” isemen birüne sorıybız. Meñlägän Samar uramnarı isemnäre şunı kürsätä, Samar uram isemnäre bügenge küpmillätle şähärebezneñ ruxın taswirlamıylar, ä bit Samarda ğasırlar buyınça iñgä- iñ terälep millätlär dustanä mönäsäbättä yäşilär, ölkä başqalasınıñ iqtisadi häm mädäni üseşen tä'min itälär.

Bezneñ konkret täqdimebez dä bar. Bezneñ fikerebezçä, Samarnıñ 22- nçe partsyezd uramın «Kazanskaya “ğa almaştırırğa qulay dip sanıybız, çönki, berençedän, “22 partsyezd» iseme şähärebez öçen tarixi nigezsez, ikençedän, bu isem uzğan ğasırnıñ xıyalıy säyäsät cimeşe, öçençedän, bu uramda Samar Cämiğ mäscede urnaşqan, ä Samar Cämig mäscede şähärebezgä zaman möselman arxitekturasın östäp başqalabıznı bizi. Şul uq möräcäğätnamädä bez Sezneñ isegezgä tağın ber datanı töşeräbez. 2006 yılnıñ fevralendä Sovetlar soyuzı Geroe, şağir- frontovik Musa Cälilgä 100 yäş tula. Bezneñ fikerebezçä, Samar uramnarınıñ berse Musa Cälil isemen yörtergä bik tä layıq”, - dielä “ Tuğan tel” cämğiäte häm Samar şähäre milli- mädäni möxtäriäte Samar türäse Georgiy Limanskiğa cibärgän möräcäğätnamädä.

Şamil Baxautdin, Samar.

XS
SM
MD
LG