Accessibility links

Кайнар хәбәр

İran: İsfahanda atom eşçänlege öleşçä yañartıldı


Xabärlärgä qarağanda, Xalıqara Atom Agentlığı xezmätkärläre İsfahan yaqınındağı bäxäsle atom qorılmasında İslam respublikasınıñ atom töş aktivlıqların (başlatunı) küzätep baraçaq cihazlar urnaştıru öçen kilgän. Britaniä Fransiä häm Almanya İsfahan reaktorında eşçänlek başlatılmasın dip kisätü öçen sişämbedä Atom Agentlığın aşığıç cıyılışqa çaqırğan ide.Şimbädä Tehran atom programması turındağı krizisnı tuqtatu mäqsatın quyğan Yevropa Berlegeneñ täğdimen kire qaqtı. İran Atom Agentlığı prezidentnıñ urınbasarı bügen İsfahanda jurnalistlarğa reaktorda eşçänlek öleşçä başlatıldı dip belderde.

Xalıqara Atom Agentlığınıñ inspektorları küzätü cihazların urnaştırıp beterü belän İsfahan atom qorılmasında öleşçä eşçänlek başlatılğan . Bu turıda İrannıñ xabär agentlığı belderde.İsfahanda operatsiäne başlatu mäsäläse Yevropa Berlegeneñ 3 ile Britaniä, Fransiä häm Germaniäneñ Tehran belän atom krizisı turında alıp barğan söyläşülär uñışsız tämamlanu belän köntärtibenä kütärelde. İsfahandağı barlıq aktivlıqlar 2004nçe yılnıñ noyäberendä Berlekeneñ 3 ile belän söyläşülär başlanğaç tuqtalğan ide. Söyläşülärneñ şartı bularaq Tehran uran bayıtu belän bäyleneşle barlıq eşçänleklärne tuqtatırğa wäğdä itkän ide. Ämma şimbädä Tehran Yevropa Berlegeneñ atom krizisın çişüne mäqsat itep quyğan täqdimen räsmi räweştä kire qaqtı.Bu täqdim İrannıñ atom yağulığı eşläp çığarudan tämam wazkiçügä cawap itep Tehranğa tınıç mäqsatlı atom energiese programında bulışlıq kürsätüne küzdä totqan ide.Könbatış illäre İrannıñ atom yağulığı şulsanda uran bayıtuı Tehrannıñ atom qoralları täräqi itüenä yardäm itär dip qurqa. Yevropa Berlege İran atom qorılmasın aktivlaştırsa mäsälä BMOnıñ İminlek Şurasına tapşırılaçaq dip yanasa da, ul ütkän atnada uq İsfahan qorılmasın safqa kertü turında işarä itkän ide. İran tışqı eşlär ministırlığı süzçese Hamid Reza Asefi yäkşämbedä yevropalılarnıñ yañauları säyäsi säbäple dip kire qağıp bolay dide

Asefi(audio)

Min yevropalılar kisätüdän wazkiçsinnär dip äyter idem.Yevropalılar Xalıqara Atom Agentlığın sişämbe könne İran mäsäläsendä cıyılışqa çaqırdı. Bez İran eşen İminlek Şurasına tapşıru qanunsız häm säyäsi säbäple aktivlıq dip uylıybız.Ägär dä alar İran mäsäläsen BMO iminlek şurasına tapşıra ikän bez ber tamçı da qayğırmıybız ,Yevropalılar üz yulların saylarğa tieş.

Asäfi tağı Y.Berlegeneñ täqdimen kire qağu , Tehran söyläşülärne tuqtata digän süz tügel bez söyläşülärneñ däwam itüen telibez çönki här iki taraf ta berberseneñ pozitsiäsen añlar dip uylıybız dip äyttte.Fransiä tışqı eşlär ministrı Teheranğa täqdimne yaxşılap uylağız dip belderde. Ministır yäkşämbedä basılıp çıqqan ängämäsendä Yevropa Berlegeneñ paketında İrannnı Üzäk Aziä belän Yevropa arasında möhim neft yulı xälenä kitergän täqdim dä bar dip äytkän.Tehrannıñ atom programması turındğı bäxäs quyıra barğanda sişämbedä Veneda Xalıqara Atom Energiäse Agentlığı cıyılış ütkärep yevropalılarnıñ möräcäğäten tikşeräçäk. BMOnıñ agentlığı Tehrannı bu mäsälädä kisätäçäk dip kötelä. İrannıñ yaña prezidentı Axmedinejad , Xameneygä yaqın torğan konservativ fikerle däwlät radio tapşırularınıñ eleke başlığı Ali Larijaninı atom mäsälälärendä baş söyläşüçe itep täğäyenläde dip xabär itelde. Ul Xäsän Rohaninın urının alaçaq tizdän.Rohaninın kitüe, İrannıñ atom mäsäläsendä qatı pozitsiä alaçağına işarä bulıp tora dip äytä küzätüçelär. Prezident saylawları kampaniäse waqıtında Axmedinejat İrannnıñ Yevropa Berlege belän söyläşülär alıp barğan törkemen qurqınğannar dip ğäyeplägän ide färidä xämit
XS
SM
MD
LG