Accessibility links

Кайнар хәбәр

İran İsfahanda atom eşçänlegen yañarttı


Tähran -- Bügen İran İsfahan atom şirkätendä qayber eşçänlegen yañartıp cibärde. Bu turıda İrannıñ Atom energiä idaräse vitse-prezidentı Möxämmät Saidi xäbär itte. Yarım-räsmi Fars News agentlığı xäbär itüençä, sarı töstäge uran kisäkläre citeşterü sızığına quıylğan. Bu eş Xalıqara Atom energiä idaräse küzätüe astında başqarıla. İdaräneñ törkeme xäzer şirkättä küzläw kameraları urnaştıra. İran räsmiläre äytüençä, alar quıylıp betkäç, atom eşçänlege tulı külämdä yañartılaçaq. Yevropanıñ 3 ile belän İran arasındağı kileşü nigezendä İsfahandağı eşçänlek 2004neñ noyäberendä tulısınça tuqtatılğan ide. Yevropa illäre İrannı atom eşçänlegen yañartmasqa çaqırdı häm BMO İminlek Şurasınıñ ixtimal çikläwläre belän kisätte.
XS
SM
MD
LG