Accessibility links

җомга, 9 декабрь 2016, Казан вакыты 07:10

3 il Üzbäk qaçaqlarına sıyınu birergä teli


Bişkäk -- Yevropanıñ 3 ile - Finlandiä, Şvetsiä häm Niderland - Qıqığızstanda totılğan 15 Üzbäk qaçağına sıyınu birergä teläk beldergän. Bu turıda bügen Qırğızstan Tışqı eşlär ministrı urınbasarı Taalai Qadırov xäbär itte:

"Çınlap ta, Şvetsiä, Finlandiä häm Hollandiä qaçaqlarnı alabız dip cawap birde. Bu mäğlümätne baş prokuraturağa cibärdek."

Berläşkän Millätlärneñ Qaçaqlar İdaräse 15 qaçaqnıñ 11enä qaçaq statusı birde. Qalğan 4se äle tikşerü astında. May ayında könçığış Üzbäkstannıñ Ändican qalasında bulğan çualışlar waqıtında yözlägän keşe ildän qaçıp kitte. 400läp qaçaq Rumıniädä waqıtlı sıyınu taptı. Bu 15 keşene Qırğız räsmiläre Üzbäkstan sorawı belän qulğa aldı. Üzbäk räsmiläre alarnı cinäyätçe dip atıy häm üzenä tapşırırğa taläp itä. Berlşkän Millätlär häm Xalıqara xoquq yaqlaw oyışmaları, bu keşelär Üzbäkstanğa tapşırılsa, alarnı anda cäzalaw kötä dip kisätä.

XS
SM
MD
LG