Accessibility links

җомга, 9 декабрь 2016, Казан вакыты 08:48

Rusiä çit ilgä asrawğa bala birü qanunnarın qırıslata,Tatarstan nindi mönäsäbät kürsätä?


Russiädä balalarnı çit ilgä asraw-tärbiägä birgän qanunnar qırıslaşa dip bez ewälge tapşırularıbızda söylägän idek. Sonğı waqıtlarda tärbiä-asrawğa alınğan 2 rus balasınıñ Amerikada üterelüe Rusiädä şau-şuğa säbäp buldı. Rusiä Mäğarif häm Fän Ministırlığı asrawğa bala alırğa teläwçe çit il keşeläre tizdän analıq kurslarına qatnaşaçaq häm emotsional totrıqlıqları sınalaçaq dip belderde Küplär yätimnärne çit ilgä asrawğa birgän qanun qağıydälärne qırıslaştırırğa çaqıra.Tatarstanda bu eşlär niçek tora?.Tatarstan Ministırlar kabinetı qarşındağı ZAGS yäğni watandaşlıq xälen terkäw idaräse başlığı Flüra İldarxanova bu turıda nilär söyli?.

Aprel ayında Chicagoda ber xatın asrawğa alğan 6yäşlek rus malaynı qıynap ütergän öçen 12 yıl törmä cazasına xökem itelde. İyül başlarında isä başqa ber amerikan xatını 2 yäşlek rus malayın üterüdä ğäyeplänep qulğa alınğan ide.Här ike insident ta rus mätbuğatında kiñ çağılış taptı.Häm çit il keşelärenä asrawğa bala birü protsesı reformalanırğa tieş digän debatlar başlanıp kitte. Yıl sayın asrawğa birelgän 15meñ balanıñ yartısı amerikan ğailälärenä turı kilä.Çit illärgä asrawğa birü eşlären qarap barğan Mäğarif häm Fän Ministırlığı iyül urtalarında balalarnı tärbiägä alırğa teläwçe çit il ğailäläre emotsional totrıqlılıq turındağı psixologik sınawlardan ütärgä mäcbür bulaçaq digän täqdim belän bergä ata analar öçen mäxsus kurslar da oyıştırılaçaq dip belderde. Ministırlıqnıñ yäşlär säyäsäte,balalarnı uqutu wä sotsial yaqlaw departamantı direktorınıñ kiñäşçese İvan Yantsukeviç Azatlıqqa, täqdim itelgän üzgäreşlär balalarnı tärbiägä alırğa teläwçe namzätlärneñ kileşle bulıp bulmawların kürsätäçäk dide

Yantsukewic(audio)

Üzgäreşlär kertüneñ mäqsatı fäciğälärne qabatlamaw.Üzgäreşlär ,ğailädä ruxi xästä keşelär bulsa asrawğa bala alu omtılışı yasamawların garantiäläw mäqsatın quya.Yasalaçaq üzgäreşlär turında qarar birü bezneñ wazıyfabız bulıp tora

Ministırlıq legal bulmağan yullar belän tärbiägä bala birüne dä tuqtatmaqçı. Rusiä xökümäte röxsät itkän oyışma , aradaşçılar aşa ğına balalar çit ilgä tärbiägä bireläçäk. Qayber räsmilär äytüenä qarağanda Rusiädä yätim balalar sanı qotoçqıç yuğarı 2million.Ruslar yätim balanı bik siräk tärbiägä ala.Berençe säbäp sotsial stigma bulsa ikençese maddi yaqtan berdän artıq balanı üstererlek xäldä tügel.Yantsukeviş bezneñ departament bu problemanı belä , bez rus cämäğätçelege potensial ata analar, yätimnärneñ problemaları, balanı tärbiägä alu turında Rusiä watandaşlarınıñ iqtibarın cälep itergä tırışaçaqbız dip söyli. Şuşı tırışlıqnıñ ber öleşe bularaq Rusiä Mäğarif häm Fän Ministırlığı küptän tügel genä www.usynovite.ru isemle internet säxifäse dä açıp cibärde. Anda potensial ata analar , balalarnı region , yäş çäç, küz tösenä kürä saylap alalar. USİCEFnıñ Rusiä häm Belarus öçen wäkile Karel De Rooy dä yätimnärne il eçendä tärbiägä birü eşe xäzer prioritet bulıp tora ,ämma xökümät monıñ öçen andıy ğailälärgä finans yardämen arttırırğa tieş dide

De Rooy(audio)

balalarnı cirle xalıqqa tärbiägä birü protsesın tizlätü öçen çaralar kürelergä tieş dip uylıybız.Balanı yätimxanädä totu çığımı , älege waqıtta öydä qarauğa birelgän subsidiädän 7 märtäbä yuğarıraq buluın beläbez.Ayırmanı kimetü öçen il eçendä asrawğa aluçılarnı nıq arttırırğa kiräk

Balalarnı tärbiägä birü eşe belän şägellängän agetlıqlar ministırlıq täqdimnäre belän qänäğät ,alar bu çaralar balalarnı yaqlawnı arttıraçaq digän fikerdä.Östämä psixologik testlar, sınaular potensial ğailälärne qurqıtaçaq dip uylap bula. De Rooy äytmişle testlarnı kiräk küräsez ikän eşlägez ämma qatmarlı protsesnı tağı da qatmarlandırmağız. Min bu eşlär Tatarstanda niçek mikän digän soraw belän Ministırlar kabinetı qarşındağı ZAGS yäğni watandaşlıq xälen terkäw idaräsenä ,anıñ başlığı Flüra xanım İldarxanovağa möräçäğät ittem. Bala-ana mäsälälärenä qağılğan ozın söyläşü waqıtında Flüra xanım elek Mäğarif ministırınıñ urınbasarı bulıp eşläwen dä telgä aldı. Şulay itep asrawğa bala birü mäsäläsendä Flüra xanımnıñ mäğlümäte dä täcribäse zur. Ängämenen şul öleşen tıñlağız(audio)

färidä xämit
XS
SM
MD
LG