Accessibility links

якшәмбе, 4 декабрь 2016, Казан вакыты 05:06

Mädäni üzäk yaña sezonğa äzerlänä


Mäskäwneñ tatar mädäni üzäge yaña sezon açuğa äzerlänä. Üzäktä milli-mädäni eşlär öçen cawaplı bulğan Roza Xabibullin häm Zämzämiä Säxäbetdinova mädäni üzäkneñ eş plannarı östendä eşli başladılar inde. Sezon 1 sentäberdän genä başlansa da, cäy aylarında da mädäni üzäktä çaralar ütä tora. Yaña sezonda mäskäwlelärgä bik küp törle tügäräk eşläre täqdim iteläçäk. Şulardan xalıq uyın qoralları orkestrı, biu, klassik xoreografiä tügäräklären, balalar öçen qurçaq teatrın häm muzıka ädäbi salon turında äytergä bula. Boları yañaları. Ä inde 3 yıl rättän eşläp kilgän tuğan telne öyränü, näfis süz tügäräkläre şulay uq eşlären däwam itäçäk. Oyıştıruçılarnıñ plannarı zurdan. Şularnıñ qayberläre xaqında mädäni üzäkneñ mädäniät citäkçeläre Roza Xabibullin belän Zämzämiä Säxäbetdinova plannarı belän tanıtıştırdı. Yaña sezonnı närsä belän başlıysız dip soradım Roza Xabibullindan. Yaña sezonda da Qazannıñ 1000 yıllığına bağışlanğan çaralar däwam itäçäk dide ul. 25 avgustta Musa Cälil häm anıñ belän häläk buluçılarğa bağışlap xäter kiçäse uzaçaq. Anda “Xäwefsezlek häm tärtip saqlaw Akademiäse” şul 11 Häläk bulğannarnıñ ğailäsenä Ciñü ordennarı tapşıraçaq. Mädäni üzäk şulay uq Gabdulla Tuqaynıñ 120 yıllığın bağışlanğan çaralar da planlaştıra. Şularnıñ berse “Ence börtekläre” festivale. Yazmada tağın qızıqlı ğına ber mäğlümat, Mäskäw xökümäte Qazannıñ 1000 yıllığına tatar cırlarınnan torğan ike kasseta çığarırğa wäğdä itkän bulğan. Başta alar tatarnıñ borınğı cırları rus telendä yañğırasın dip taläp quyğan bulsalar, xäzer inde, Şansevnı Tübän Novgrodqa gubernator itep bilgelägännän soñ, xakimiät üzgärde dip, ğomumän bu proyekttan waz kiçkännär.

Näzifä Kärimova, Mäskäw

XS
SM
MD
LG