Accessibility links

Кайнар хәбәр

BMO: Neftkä almaşqa azıq-tölek programmasınıñ elekke xezmätkäre rişwätçelektä ğäyeplänä


BMO täminat bülegeneñ eleke xezmätkäre Aleksander Yakovlev düşämbedä yaqınça ber million dollar rişwät aluda ğäyeple tabıldı.Yakovlev BMOnıñ neftkä almaşqa azıq-tölek programmasındağı rişwätçelek cäncalında cinayätçelektä ğäyeplängän berençe BMO räsmie bulıp tora.Bäysez Tikşerü Komissiäse 3nçe xisabın iğlan itüennän soñ şunduq diärlek Yakovlev New Yorkta FBIğa birelgän.Komissiä BMOnıñ humanitar programması belän yawızlanğan ike eleke xezmätkär östennän cinayät eşeneñ quzğatıluın soradı. Ber säğät tä ütmi Yakovlevnıñ diplomatik qağılmazlığı köçtän çığarılıp qulğa alındı.BMO general sekretarı K.Annan ikençe räsmi, humanitar programma başlığı Benon Sevannıñ da diplomatik imunitetı ğämäldän çığarıldı dip belderde.

Aleksander Yakovlev 1985 nçe yıldan başlap BMOnıñ täminat,satıp alu bülegendä eşlep , anıñ başlığı da bula , törle zur kontraktlarğa qatnaşa.Düşämbe könne ul AQŞ Federal Mäxkämäsendä süz berläşterü, xärämläşü häm aqçayuı eşlärenä qatnaşqan buluın häm 1993 belän 2005nçe yıllar arasında törle çit il şirkätlärennän yözmeñnnärçä dollar aqça aluın iqrar itte.Yakovlew 20yıl törmä cazası häm quyılğan 3 ğäyebneñ här berse öçen maximum 250meñ dollar ştraf tülärgä mäcbür bulaçaq. Kiçä ul 400meñ dollar käfalät aqçası tülänüe belän irekkä çığarıldı . Älegä mäxkämä köne bilgelänmäsä dä aña New Yorktan çığu tıyılğan. Neftkä almaşqa azıq tölek programması tiräsendäge rişwätçelek cäncalın tikşergän bäysez komissiä düşämbedä xisabın iğlan itep mätbuğat konferensiäse ütkärde.Komissiä belän AQŞ Üzäk Bankınıñ eleke citäkçese Paul Volcker citäkçelek itä.Kiçäge oçraşuda ul

Volcker(audio)

Xisab BMO satıp alu xezmätkäre Aleksander Yakovlenıñ neftkä almaşqa azıq tölek programması belän bäyläneşle bularaq aktiv rişwät aluı turında dälillär kiterä.Anıñ şulayuq BMO belän kontrakt tözegän başqa şirkätlärdän dä rişwät aluın kürsätkän işarälär bar

52 yäşlek Yakovlev neftkä almaşqa azıq tölek programmasında üz aktivlıqları tikşerelä başlağaç ta 22.iyündä postınnan çigende. Volcker xisabında Yakovlevneñ BMOdağı törle kontraktlardan alğan 950meñ dollar rişwät aqçasın offshore bank xisabına quyğan buluı açıqlana.Komisiäneñ äwälge xisabında millionnarça dollarlıq kontraktqa qul quyğan Şwitsariäneñ Cotecna firması turında süz bar ide. Şuşı şirkättä K.Annannıñ ulı Kojo Annan eşläde. Volcker komissiä Yokovlevneñ aktivlıqların tikşerergä däwamitäçäk .Çönki Cotecna şirkäten saylaw eşenä dä Yokovlev qatnaşqan dip äytte.

Volcker(audio)

Komitet Yakovlevneñ programma belän bäyleneşle ğämällären tikşerüne däwam itäçäk. 1998nçe yılda Ğıraqqa kergän humanitar tovarlarnı qarap barğan Cotecna inspeksie şirkäte belän kontraktnı tözüdä täminat xezmätkäreneñ rolen belergä telibez

AQŞları neftkä almaşqa azıq tölek programması bäysez räweştä tikşerelergä tieş dip taläp itte häm barlıq äğza illärne xezmättäşlekkä çaqırdı. Ämma Volcker düşämbedä AQŞ xökümäteneñ qayber agentlıqları bigräk tä NYnıñ könyaq bülgese prokuror ofisı xezmättäşlekne kire qağa dip şikäyät itte. Bülge prokurorı David Kelley Yakovlevqa quyılğan ğäyepläwlärne iğlan itte. BMO general sekretarınıñ ştab başlığı Mark Brown Yakovlev mäsälsäe BMOda reformalar zarurlığın kürsätep tora dide

Brown(audio)

Bez teminat, satıp alu ölkäsendä eşläwçe räsmilär östennän kontrol urnaştıru mäsäläsendäge problemalarnı xäl qıla almadıq. Alarnıñ artığı belän küp avtoritetı bar , bez küzätü kontrol dairäsen yaxşırtırğa tieşbez .

Volcker citäkçelegendäge komissiä sintäber häm üktäber aylarında yaña xasabların täqdim itäçäk

färidä xämit
XS
SM
MD
LG