Accessibility links

Кайнар хәбәр

Ğiraq konstitutsiäsen tikşerü kiçekterelä


Bağdad -- Bağdadta naçar hawa torışı, köçle dawıllar säbäple, yaña konstitutsiä mäsäläsendä söyläşülär qabat kiçekterelde. Qayber säyäsi citäkçelär Bağdadqa kilep citä almıy. Ul arada Konstitutsiäne Mäcleskä tapşıru öçen ni barı 6 kön qalıp bara. Dokumentta xäl iteläse 18-läp mäsälä bar. Xökümät süzçese Lait Kubba süzlärençä, prezident Calal Talabani başta 7, annarı 30lap citäkçe belän ike oçraşü ütkärergä cıyına.

Ul arada Bağdadta köç qullanular däwam itä. Üzäktäge Tahrir mäydäanında, Quşma Ştatlarnıñ xärbi nığıtması yanında bulğan intihar höcüm näticäsendä 3 keşe häläk bulğan, kimendä 11e yaralanğan. Eçke eşlär ministrlığı belderüençä, Bağdadta bulğan törle bäreleşlär näticäsendä 10 politsiä xezmätkäre häläk bulğan.
XS
SM
MD
LG