Accessibility links

якшәмбе, 11 декабрь 2016, Казан вакыты 01:28

Äzerbaycanda säyäsi kierenkelek arta


Baqı -- Yevropada İminlek häm Xezmättäşlek oyışması, Äzerbaycanda oppozitsiädäge Xalıq frontına bulğan höcümnärgä tänqit belderde. Yäşlär xäräkäte citäkçese Ruslan Bäşirle qulğa alınğannan soñ, bilgesez keşelär Naxeçivandä Xalıq frontı binasına höcüm itep, partiä äğzaların qıynağan. Baqınıñ üzendä dä xökümät taraflı demonstrantlar Xalıq frontı binasına höcüm itergä tırışqan. Yevropada İminlek häm Xezmättäşlek oyışmasınıñ Baqıdağı wäkile Maurizo Pavesi, törle törkemnärneñ şulay uramğa çığıp xökem çığarıp yörüläre qabul iterlek närsä tügel, dide. Yaña fiker xäräkäte başlığı Ruslan Bäşirle xökümätne bärep töşerü niäte belän çit ildän yärdäm alğan digän ğäyepläw belän uzğan çärşämbedä qulğa alınğan. Oppozitsiä wäkilläre monı Noyäberdä ütäçäk saylawlar aldınnan xökümätneñ maxsus oyıştırılğan ğämäle dip atıy.

XS
SM
MD
LG