Accessibility links

җомга, 9 декабрь 2016, Казан вакыты 20:35

Başqortostan militsiäse safların tazarta


Respublika eske eştär ministrlığı üz xeźmätkärźäre tarafınnan xeźmät tärtiben boźowźı asıqlaw häm iskärtew yähätenän östälmä saralar kürä. Bıl turala İntrefaks agentlığına birgän äñgämälä eske eştär ministrı Rafael Diwayıv beldergän. Unıñ äytewensä, bıl mäsälä qala häm rayondarźıñ eske eştär büleksäläre yetäkseläre menän ütkärelgän sirattan tış käñäşmälä qaralğan. Şunda uq xeźmät tärtiben nığıtıu yähätenän qatılığı buyınsa bığa tiklem bulmağan saralar kürergä qarar itelgän. Ministr boyoroğo menän respublikanıñ barlıq militsia xeźmätkärźäre automobil menän eskän kileş idara itkändä eştän qıuılasaq. Yıl başınan respublikala operativ törkömdär źä eşläy. Eske eştär ministrlığınıñ üźäk apparatınıñ qadrźar idaralığı, Yul xäräkäte imenlege däwlät inspeksiahınıñ kontrol idaralığı şulay uq ministrlıqtıñ imenlek idaralığı belgestärenän torğan bıl törköm qäğiźälärźe, şul isäptän milisia xeźmätkärźäre tarafınan yul xäräkäte qäğiźälären ütäwźe tikşerä. Diwayıv hüźźärenä qarağanda, tikşerew yomğaqtarı buyınsa ul Miäkä eske eştär bülege xeźmätkären eske eştär orğandarınan eştän qıuıu turahında kürhätmä birgän. 1965 yılğı militsia xeźmätkäre iserek kileş automobil menän idara itep, qarşı yaq yulğa sıqqan häm yul sitenän kitep barğan qıźıqayźı tapatqan. Qıźıqay häläk bulğan. Bıl eş respublika prokuraturahına yebärelgän. Ministrlıq prokuratura häm sudtan milisia xeźmätkären qulğa alıuźı horay. Respublikala milisianıñ ber genä xeźmätkäre lä, unıñ nindäy wazífa biläwenä qaramastan yawaplılıqtan qasa almayyasaq, tigän Rafel Diwayıv. Başqortostanda yıl başınan tärtip boźğandarı ösön 21 xeźmätkär eske eştär orğandarınan qıuılğan. Rafael Diwayıv äytewensä, respublika milisiahına xalıq ışanırğa häm käräkkändä yarźam horap möräjäğät itergä teyeş. Şulay itep, respublika militsiahı üź rättären taźarta başlanı.

Äle Başqortostanda milisianıñ baytaq xeźmätkärźäre baqsasılarğa yarźam itä. Respublikala Baqsa operasiahı başlandı. Ministrlıqtıñ matbuğat xeźmätenän xäbär itewźärensä, 1 meñ 700 xeźmätkär häm yämäğät eştärendä qatnaşıusı 500 keşe baqsalarźı haqlay. Burźarźı awlaw maqsatında operativ törköm dä buldırılğan. Operasianıñ täwge köndärendä ük 226 baqsa tikşerelgän häm elek qılınğan 64 yenäyät asıqlanğan.

XS
SM
MD
LG